സംസ്ഥാനത്ത് ചെറുനാരങ്ങയുടെ വില കുതിക്കുന്നു

വേനലിൽ പൊതുവെ ചെറുനാരങ്ങയുടെ വിലവർധിക്കാറുണ്ടെങ്കിലും ഇത്തവണ ജനുവരിയിൽ തന്നെ വില കുത്തനെ കൂടിയിരിക്കുകയാണ്.

ദി​വ​സ​ങ്ങ​ള്‍ക്ക് മു​ൻപ് കി​ലോ​ക്ക് 50-60 രൂ​പ​യാ​യി​രു​ന്നു ചെ​റു​നാ​ര​ങ്ങ​യു​ടെ വി​ല. ഒ​രാ​ഴ്ച​ക്കി​ടെ അത്100- 130 എന്ന നിലയിലെത്തി. വേ​ന​ല്‍ വ​രും ദി​വ​സ​ങ്ങ​ളി​ല്‍ ക​ന​ക്കു​മെ​ന്നി​രി​ക്കെ നാ​ര​ങ്ങ​യു​ടെ വി​ല ഇ​നി​യും ഉ​യ​രാനാണ് സാധ്യത.

വൈറ്റമിൻ സി ധാരാളമുള്ളതിനാൽ ജനപ്രിയ പാനീയമായാണ് നാരങ്ങവെള്ളത്തെ പൊതുവെ കാണുന്നത്. താപനിലകൂടുമ്പോൾ ശരീരത്തിൽ ജലാംശം നിലനിർത്താനും ചെറുനാരങ്ങ സഹായിക്കും.അതിനാൽ തന്നെ വേനൽക്കാലങ്ങളിൽ പിടിച്ചു പറിയാണ് ചെറുനാരങ്ങയ്ക്ക്.

ത​മി​ഴ്‌​നാ​ട്, ആ​ന്ധ്ര പ്ര​ദേ​ശ്, ക​ര്‍ണാ​ട​ക എ​ന്നീ സം​സ്ഥാ​ന​ങ്ങ​ളി​ല്‍ നി​ന്നാ​ണ് പ്ര​ധാ​ന​മാ​യും കേ​ര​ള​ത്തി​ലേ​ക്ക് ചെ​റു​നാ​ര​ങ്ങ ഇ​റ​ക്കു​മ​തി ചെ​യ്യു​ന്ന​ത്.വേ​ന​ലി​ലെ ആ​വ​ശ്യ​ക​ത​ക്കൊ​പ്പം ല​ഭ്യ​ത കു​റ​ഞ്ഞ​താ​ണ് ചെ​റു​നാ​ര​ങ്ങ വി​ല ഉ​യ​രാ​ന്‍ കാ​ര​ണ​മെ​ന്ന് വ്യാ​പാ​രി​ക​ള്‍ പ​റ​ഞ്ഞു.