യുവാക്കള്‍ മുതല്‍ പ്രായമായവര്‍ വരെയുള്ള ഡ്രൈവര്‍മാരുടെ നല്ല പെരുമാറ്റത്തെപ്പറ്റിയും ഫേസ്ബുക്ക് കുറിപ്പില്‍ പരാമർശമുണ്ട്. ഈ പെരുമാറ്റം യാത്രക്കാരിലുണ്ടാക്കുന്ന സന്തോഷം ചെറുതല്ലെന്നും ജയൻ പറയുന്നു.
എവിടേക്ക് ഓട്ടം വിളിച്ചാലും യാത്രാവസാനം മീറ്ററിലുള്ള പണം മാത്രമാണ് ഓട്ടോക്കാര്‍ വാങ്ങിയതെന്നും ജയൻ പോസ്റ്റിൽ പറയുന്നുണ്ട്.രാത്രി 9.30ന് ശേഷം താമസ സ്ഥലത്തേക്ക് ഓട്ടോ വിളിച്ചപ്പോള്‍ മീറ്ററില്‍ കാണിച്ച 40 രൂപ മാത്രമാണ് വാങ്ങിയതെന്നും സംശയം തോന്നി, മീറ്റര്‍ കാശ് മാത്രം മതിയോ എന്ന് ചോദിച്ചപ്പോള്‍ രാത്രി പത്തിന് ശേഷമാണ് കൂടുതല്‍ ചാര്‍ജ്ജ് ആവുകയുള്ളൂ എന്ന ഓട്ടോക്കാരന്റെ മറുപടി തന്നെ അദ്ഭുതപ്പെടുത്തിയതായും ജയൻ പറയുന്നു. ആ ഓട്ടോക്കാരന്റെ ഫോട്ടോ എടുക്കാന്‍ മറന്നുപോയ കാര്യവും ദുഃഖത്തോടെ അദ്ദേഹം പങ്കുവെക്കുന്നുണ്ട്. രണ്ടാം ദിവസം രാത്രിയിലും സമാന അനുഭവം ഉണ്ടായപ്പോള്‍ ജിനീഷ് കല്ലായി എന്ന ഓട്ടോക്കാരന്റെ ഫോട്ടോ സഹിതമാണ് ജയൻ പോസ്റ്റ് ഇട്ടത്.
