കൊളംബോ:ഏഷ്യാ കപ്പില്‍ ഇന്ത്യയും പാകിസ്താനും തമ്മിലുള്ള മത്സരത്തില്‍ മഴ വില്ലനായി. കളി 11.2 ഓവറില്‍ നില്‍ക്കെ മഴ കാരണം കളി നിര്‍ത്തി വെച്ചിരിക്കുകയാണ്.
ആദ്യം ബാറ്റിംഗിനിറങ്ങിയ ഇന്ത്യ 11.2 ഓവര്‍ പിന്നിട്ടു നില്‍ക്കെ 51-3 എന്ന നിലയില്‍ ആണ്. വിരാട് കോഹ്ലി, രോഹിത് ശര്‍മ്മ, ശ്രേയസ് അയ്യര്‍ എന്നിവരുടെ വിക്കറ്റുകളാണ് ഇന്ത്യക്ക് നഷ്ടമായത്.
11 റണ്‍സ് എടുത്ത രോഹിത് ശര്‍മ്മയെയും നാലു റണ്‍സ് എടുത്ത കോഹ്ലിയെയും ഷഹീൻ അഫ്രീദി ക്ലീൻ ബൗള്‍ഡ് ആക്കി. 5 ഓവറില്‍ 15 റണ്‍സ് മാത്രം വഴങ്ങിയാണ് അഫ്രീദി 2 വിക്കറ്റ് വീഴ്ത്തിയത്‌. 14 റണ്‍സ് എടുത്ത ശ്രേയസ് അയ്യറിനെ ഹാരിസ് റഹൂഫും പുറത്താക്കി. 6 റണ്‍സുമായു ഗില്ലും 2 റണ്‍സുമായി ഇഷൻ കിഷനും ആണ് ക്രീസില്‍ ഉള്ളത്‌.ഇന്നിംഗ്സില്‍ ഇത് രണ്ടാം തവണയാണ് മഴമൂലം കളി നിര്‍ത്തിവെക്കുന്നത്.
