ഇന്നലെ പുതുപ്പള്ളി മണ്ഡലത്തിലെ മറ്റക്കര, പാമ്ബാടി, ഞാലിയാകുഴി എന്നിവിടങ്ങളിലെ പ്രചാരണപരിപാടികളില്‍ മകള്‍ വീണ വിജയന്റെ മകൻ ഇഷാൻ വിജയും മുഖ്യമന്ത്രിക്കൊപ്പം ഉണ്ടായിരുന്നു.
പിണറായി വിജയന്റെ പ്രചാരണ വാഹനത്തില്‍ തന്നെയായിരുന്നു ചെറുമകന്റെയും യാത്ര. പിണറായി വിജയൻ പ്രസംഗിക്കാൻ വേദിയില്‍ കയറുമ്ബോള്‍ ഇഷാൻ, വേദിക്ക് പുറത്തിരുന്നു. സുരക്ഷാ ഉദ്യോഗസ്ഥര്‍ നല്‍കിയ കസേരയിലിരുന്ന് മുത്തച്ഛന്റെ പ്രസംഗം കേട്ടു.
പിണറായി വിജയൻ പ്രസംഗം കഴിഞ്ഞ് വാഹനത്തിലേക്ക് കയറുന്നതിന് മുമ്ബായി ഇഷാൻ വാഹനത്തിന്റെ പിൻസീറ്റില്‍ ഇടംപിടിച്ചു. വീണാ വിജയന്റെ മകനാണ് ഇഷാൻ.
അതേസമയം മുഖ്യമന്ത്രി പിണറായി വിജയനും ഭാര്യ കമലക്കും വിവാഹ ആശംസകള്‍ അറിയിച്ച്‌ മന്ത്രിയും മകള്‍ വീണയുടെ പങ്കാളിയുമായ പി എ മുഹമ്മദ് റിയാസ്.പിണറായി വിജയന്റെയും ഭാര്യ കമലയുടെയും ചിത്രത്തോടൊപ്പം വിവാഹ വാര്‍ഷിക ആശംസകള്‍ എന്ന അടിക്കുറിപ്പോടെയാണ് റിയാസ് പങ്കുവെച്ചത്.
1979 സെപ്റ്റംബര്‍ രണ്ടിനാണ് വടകര ഒഞ്ചിയം തൈക്കണ്ടി സ്വദേശിനിയായ കമലയും പിണറായി വിജയനും വിവാഹിതരാകുന്നത്. തലശേരി സെന്‍റ് ജോസഫ് സ്കൂളിലെ അധ്യാപികയായിരുന്നു കമല. വിവാഹിതനാകുമ്ബോള്‍ പിണറായി വിജയന് കൂത്തുപറമ്ബ് എംഎല്‍എയും കണ്ണൂര്‍ ജില്ലാ സെക്രട്ടേറിയറ്റ് അംഗവുമായിരുന്നു.
