കോവിഡ് മണത്തറിയാം, ജർമൻ പഠനം
![](https://newsthen.com/wp-content/uploads/2020/07/WhatsApp-Image-2020-07-28-at-11.36.45-AM.jpeg)
കോവിഡ് മണത്തറിയാം എന്ന് പഠനം. സ്വാബ് ടെസ്റ്റും ആന്റി ബോഡി ടെസ്റ്റും ഇല്ലാതെ തന്നെ കോവിഡ് മണത്തറിയാം എന്നാണ് പഠനം. ജർമൻ വെറ്റിറനറി സർവ്വകലാശാലയുടേതാണ് പഠനം. പരിശീലനം സിദ്ധിച്ച നായ്ക്കൾക്കാണ് കോവിഡ് മണത്തറിയാൻ സാധിക്കുന്നത്.
ബ്ലൂംബെർഗ് ആണ് ഈ വാർത്ത റിപ്പോർട്ട് ചെയ്തത്. ജർമൻ സൈന്യത്തിലെ 8 നായ്ക്കൾക്ക് ഇങ്ങനെ പരിശീലനം നൽകി. 1, 000 പേരെ നായ്ക്കൾക്ക് മുന്നിൽ കൊണ്ടു വന്നു മണപ്പിച്ചു. ഇതിൽ 94% കോവിഡ് രോഗികളെയും നായ്ക്കൾ മണത്തു കണ്ടെത്തി എന്ന് പഠനം പറയുന്നു. 1000 പേരുടെ ഉമിനീരാണ് നായ്ക്കളെ മണപ്പിച്ചത്. ഇതിൽ കോവിഡ് രോഗികളുടെ ഉമിനീരും ഉണ്ടായിരുന്നു. 94% കൃത്യത ആണ് നായ്ക്കൾക്ക് ഉണ്ടായതെന്നാണ് റിപ്പോർട്ട്.
![Signature-ad](https://newsthen.com/wp-content/uploads/2024/06/signature.jpg)
കൊറോണ രോഗികളുടെ ജൈവപരമായ പ്രക്രിയയിലെ മാറ്റമാണ് തിരിച്ചറിയപ്പെടുന്നത്. ഈ വ്യത്യാസം നായ്ക്കൾക്ക് മണത്തറിയാൻ പറ്റുമത്രേ. വിമാനത്താവളങ്ങളിലും അതിർത്തികളിലും മൈതാനങ്ങളിലും നായ്ക്കളുടെ സേവനം ഉപയോഗിക്കാനാകും. മനുഷ്യനേക്കാൾ 1000 ഇരട്ടി മണവ്യത്യാസം തിരിച്ചറിയാൻ നായ്ക്കൾക്ക് ആകുമത്രേ. പഠനത്തോട് ജർമൻ പട്ടാളവും സഹകരിച്ചിരുന്നു.