ബംഗളൂരു:കോഴിക്കോട്ടേക്ക്‌ പോവുകയായിരുന്ന കെ.എസ്‌.ആര്‍.ടി.സി ബസ് ബംഗളൂരിൽ പോലീസ് തടഞ്ഞിട്ടു.ഓണാവധിക്ക് നാട്ടിലേക്ക് മടങ്ങുന്നവരും വാരാന്ത അവധിക്ക് പോകുന്നവരുമടക്കം നിറയെ യാത്രക്കാരുമായി പുറപ്പെട്ട ബത്തേരി ഡിപ്പോയിലെ കെ.എല്‍ 15 എ 0976 ബസാണ് തടഞ്ഞുവെച്ചത്.
കഴിഞ്ഞ ദിവസം രാത്രി 12.30ന് മൈസൂരു റോഡ് ദീപാഞ്ജലി നഗറിന് സമീപം ബസിന് പിന്നില്‍ കാറിടിച്ചതിനെ തുടര്‍ന്നാണ് സംഭവം. അപകടത്തില്‍ ആര്‍ക്കും പരിക്കില്ല.കാറുകാരന്റെ ഭാഗത്തെ തെറ്റായിട്ടും കാറുകാരനെ പോകാനനുവദിച്ച് കെഎസ്ആർടിസി ബസ് പോലീസ് സ്റ്റേഷനിലേക്ക് മാറ്റുകയായിരുന്നു.
ബേറ്റരായനപുര പൊലീസ് സ്റ്റേഷനില്‍ യാത്രക്കാരടങ്ങിയ ബസ് തടഞ്ഞുവെച്ചതിനെ തുടര്‍ന്ന് മലയാളി അസോസിയേഷൻ ഇടപെട്ടതോടെയാണ് പുലർച്ചെ 2.15ന് പൊലീസ് യാത്രാനുമതി നല്‍കിയത്‌.
