മുംബൈ:വിമാനം പുറപ്പെടുന്നതിന് തൊട്ടു മുൻപ് പൈലറ്റ് കുഴഞ്ഞു വീണു മരിച്ചു.നാഗ്പൂര്‍ എയര്‍പോര്‍ട്ടിലാണ് സംഭവം. ഇൻഡിഗോ എയർലൈൻസിന്റെ പൈലറ്റാണ് കുഴഞ്ഞു വീണ് മരിച്ചത്.
പൂണെയിലേക്കുള്ള വിമാനം പറത്താനെത്തിയ പൈലറ്റാണ് കുഴഞ്ഞു വീണത്.ബോര്‍ഡിങ് ഗേറ്റില്‍ ഇയാള്‍ കുഴഞ്ഞു വീഴുകയായിരുന്നു. ഉടൻ തന്നെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.
കഴിഞ്ഞ ദിവസം ഖത്തര്‍ എയര്‍വേയ്സ് പൈലറ്റും കുഴഞ്ഞു വീണ് മരിച്ചിരുന്നു. ഡല്‍ഹിയില്‍ നിന്നും ദോഹയിലേക്കുള്ള യാത്രക്കിടെ പൈലറ്റിന്റെ ആരോഗ്യസ്ഥിതി മോശമായതിനെ തുടര്‍ന്ന് വിമാനം ദുബൈയിലേക്ക് പെട്ടെന്ന് വഴിതിരിച്ചു വിടുകയായിരുന്നു.
