തിരുവനന്തപുരം:നക്ഷത്ര ആമയുമായി കെഎസ്‌ഇബി ജീവനക്കാര്‍ അടക്കം മൂന്ന് പേര്‍ പിടിയില്‍.രണ്ട് നക്ഷത്ര ആമകളെയാണ് വനം വകുപ്പ് ഇവരില്‍ നിന്ന് പിടികൂടിയത്.ഇന്നലെ വൈകിട്ട് 3 മണിക്ക് കഴക്കൂട്ടത്ത് നിന്നാണ് പ്രതികള്‍ പിടിയിലാകുന്നത്.
തൈക്കാട് കെഎസ്‌ഇബി സെക്ഷനിലെ ലൈൻമാൻ മലയില്‍കീഴ് സ്വദേശി സന്തോഷ്, അതെ ഓഫീസിലെ താല്‍ക്കാലിക ഡ്രൈവര്‍ തൃശൂര്‍ ചാവക്കാട് സ്വദേശി സജിത്, സജിത്തിന്‍റെ സുഹൃത്ത് മലയില്‍ കീഴ് സ്വദേശി അരുണ്‍ കുമാര്‍ എന്നിവരെയാണ് വനം വകുപ്പ് പിടികൂടിയത്. തമിഴ്നാട്ടിലെ തിരുനെല്‍വേലിയില്‍ നിന്നും കെഎസ്‌ആര്‍ടിസി ബസിലാണ് ആമകളെ കേരളത്തിലേക്ക് കൊണ്ടുവന്നത്.
10-25 ലക്ഷം രൂപ വരെയാണ് പ്രതികള്‍ ആമയ്ക്ക് വിലയിടുന്നത്. വീട്ടില്‍ വളര്‍ത്തിയാല്‍ സമ്ബദ് വളര്‍ച്ച ഉണ്ടാകുമെന്ന് പറഞ്ഞാണ് വില്‍പന.ഇവരെ കൂടുതല്‍ ചോദ്യം ചെയ്തത് വഴി ഇനിയും പ്രതികള്‍ തട്ടിപ്പിന് പിന്നിലുണ്ടെന്ന് വനം വകുപ്പ് ഉദ്യോഗസ്ഥര്‍ പറയുന്നു. പ്രതികള്‍ ഉപയോഗിച്ച കാറും കസ്റ്റഡിയില്‍ എടുത്തിട്ടുണ്ട്. നെടുമങ്ങാട് വനം കോടതിയില്‍ ഹാജരാക്കിയ ശേഷം.പ്രതികളെ ഇന്ന് റിമാൻഡ് ചെയ്യും.
