ഉപഭോക്താക്കൾക്ക് സബ്സിഡി നിരക്കില്‍ തക്കാളി ഓണ്‍ലൈനായി വാങ്ങാൻ അവസരം.ഒഎന്‍ഡിസി പ്ലാറ്റ്ഫോമിൽ തക്കാളി വില്‍പ്പന ആരംഭിച്ചു.
ഒരു കിലോ തക്കാളിക്ക് 70 രൂപയാണ് സബ്സിഡി നിരക്ക്.ഒരു വ്യക്തിക്ക് പരമാവധി രണ്ട് കിലോ വരെ ഓണ്‍ലൈനായി ഓര്‍ഡര്‍ ചെയ്യാവുന്നതാണ്. വിപണിയില്‍ തക്കാളി വില ഉയരുന്ന സാഹചര്യത്തിലാണ് കേന്ദ്രസര്‍ക്കാര്‍ സബ്സിഡി ഏര്‍പ്പെടുത്തിയത്.
ഒഎൻഡിസി പ്ലാറ്റ്ഫോമില്‍ എല്ലാ ദിവസവും രാവിലെ 9.30 മുതല്‍ 3.30 വരെയാണ് ഓര്‍ഡര്‍ നല്‍കാൻ സാധിക്കുക.ഓര്‍ഡര്‍ നല്‍കി തൊട്ടടുത്ത ദിവസം തന്നെ ഡെലിവറി നടത്തും. ഒഎൻഡിസിയില്‍ ലിസ്റ്റ് ചെയ്തിട്ടുള്ള ബയേഴ്സ് ആപ്പിലൂടെയാണ് തക്കാളി ലഭ്യമാക്കുന്നത്.
ഒഎൻഡിസിക്ക് പുറമേ, മറ്റ് ഇ-കോമേഴ്സ് പ്ലാറ്റ്ഫോമുകള്‍ മുഖാന്തരവും തക്കാളി വാങ്ങാൻ കഴിയും.രാജ്യത്ത് തക്കാളി വില 250 രൂപ കടന്നിരുന്നു.
