തിരുവനന്തപുരം: പാങ്ങോട് ആർമി പബ്ലിക് സ്കൂൾ പ്രിൻസിപ്പൽ ഡോ. രാജി വി.ആർ. രചിച്ച ‘അതിജീവന പാഠങ്ങൾ’ എന്ന പുസ്തകം മന്ത്രി ഡോ. ആർ. ബിന്ദു രാജിയുടെ പിതാവും പേരയം ഗവൺമെന്റ് യു.പി. സ്കൂളിലെ മുൻ ഹെഡ്മാസ്റ്ററുമായിരുന്ന എ. രാജഗോപാലിനു നൽകി പ്രകാശനം ചെയ്തു. കാവാലം സജീവ് അധ്യക്ഷനായിരുന്നു. ഡോ. ബി. ബാലചന്ദ്രൻ പുസ്തകം പരിചയപ്പെടുത്തി. അജിത് വെണ്ണിയൂർ, ഡോ. സലാഹുദ്ദീൻ, സിത്താര ബാലകൃഷ്ണൻ, ജോസ് മാത്യു തുടങ്ങിയവർ പ്രസംഗിച്ചു.
