സുൽത്താൻ ബത്തേരി:വയനാട്ടില്‍ പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച്‌ വീഡിയോ പ്രചരിപ്പിച്ച മൂന്നുപേര്‍ അറസ്റ്റില്‍.
കൃഷ്ണഗിരി സ്വദേശിയായ ജ്യോതിഷ്(30), തൃക്കൈപ്പറ്റ സ്വദേശി ഉണ്ണികൃഷ്ണന്‍(31), കൊളഗപ്പാറ സ്വദേശി സജിത്ത് (25) എന്നിവരാണ് പിടിയിലായത്. ഒന്നാം പ്രതി ജ്യോതിഷ് പെണ്‍കുട്ടിക്കെതിരെ ലൈംഗികാതിക്രമം നടത്തുകയും ഇതിന്റെ വിഡിയോയും ഫോട്ടോയും സുഹൃത്തുക്കള്‍ക്കിടയില്‍ പ്രചരിപ്പിക്കുകയും ചെയ്തു.
ദൃശ്യങ്ങള്‍ ലഭിച്ച രണ്ടാം പ്രതി ഉണ്ണികൃഷ്ണന്‍ ഇതുപയോഗിച്ച്‌ അതിജീവതയെ ഭീഷണിപ്പെടുത്തുകയും നഗ്‌ന വിഡിയോ കോള്‍ ചെയ്യുകയും ചെയ്തു. ഇതും റെക്കോര്‍ഡ് ചെയ്ത് പ്രചരിപ്പിച്ചു. മൂന്നാം പ്രതി സജിത്തും ഇത്തരത്തിൽ ദൃശ്യങ്ങള്‍ പ്രചരിപ്പിച്ചു.
പ്രതികള്‍ക്കെതിരെ പോക്‌സോ, ഐടി നിയമപ്രകാരമാണ് കേസുകൾ രജിസ്റ്റര്‍ ചെയ്തിട്ടുള്ളത്.
