വിവാഹം വാഗ്ദാനം നല്‍കി 68 കാരനിൽ നിന്നും പണം തട്ടിയ യുവതിഅറസ്റ്റില്‍
തിരുവനന്തപുരം:വിവാഹം വാഗ്ദാനം നല്‍കി 68 കാരനിൽ നിന്നും പണം തട്ടിയ യുവതി അറസ്റ്റില്‍.തിരുവനന്തപുരം സ്വദേശിനി അശ്വതി അച്ചുവാണ് പിടിയിലായത്.
തിരുവനന്തപുരം പൂവാര്‍ സ്വദേശിയായ 68കാരനില്‍ നിന്ന് 40,000 രൂപ തട്ടിയെടുത്ത കേസിലാണ് അറസ്റ്റ്.വിവാഹവാഗ്ദാനം നല്‍കി പലസമയങ്ങളിലായി അശ്വതി അച്ചു പണം തട്ടിയെന്നാണ് പരാതി.
നേരത്തെ പൊലീസുദ്യോഗസ്ഥരെയും രാഷ്ട്രീയക്കാരെയും ഉള്‍പ്പെടെ നിരവധി പേരെ ഹണിട്രാപ്പിൽ കുടുക്കിയ ആളാണ് അശ്വതി അച്ചു.പൊലീസുകാരെയും രാഷ്ട്രീയക്കാരെയും തിരഞ്ഞ് പിടിച്ച്‌ സൗഹൃദത്തിലാക്കിയ ശേഷം അശ്ലീല ചാറ്റിങ്ങിലടക്കം ഏര്‍പ്പെടുകയും പിന്നീട് അതിന്റെ പേരില്‍ ഭീഷണിപ്പെടുത്തി പണം തട്ടുന്നതുമാണ് രീതി.കൊല്ലം അഞ്ചല്‍ സ്വദേശിയായ യുവതി ഏതാനും വര്‍ഷങ്ങളായി തിരുവനന്തപുരത്താണ് താമസം.
