തിരുവനന്തപുരം: ‘ദി കേരള സ്റ്റോറി’ എന്ന സിനിമയുമായി ബന്ധപ്പെട്ട വിവാദം കത്തിപ്പടരുന്നതിനിടെ ‘എടപ്പാള്‍ ഓട്ടം’ ഓര്‍മ്മപ്പെടുത്തി വിദ്യാഭ്യാസ മന്ത്രി വി ശിവന്‍കുട്ടി രംഗത്ത്.യഥാര്‍ത്ഥ കേരള സ്റ്റോറി എന്ന ടൈറ്റിലില്‍, എടപ്പാളിലെ ഓട്ടത്തിന്‍റെ ഒരു ചിത്രം പങ്കുവച്ചാണ് ശിവന്‍കുട്ടി രംഗത്തെത്തിയത്.
ശബരിമല യുവതീപ്രവേശനവുമായി ബന്ധപ്പെട്ട പ്രതിഷേധങ്ങള്‍ക്കിടെ 2019 ല്‍ ശബരിമല കര്‍മസമിതി നടത്തിയ ഹര്‍ത്താലിനിടെയാണ് എടപ്പാള്‍ ഓട്ടം പ്രസിദ്ധമായത്.എടപ്പാള്‍ ജംഗ്ഷനില്‍ ബൈക്കുകളുമായി റാലി നടത്താനെത്തിയ പ്രവർത്തകരെ നാട്ടുകാര്‍ അടിച്ചോടിക്കുകയായിരുന്നു. ബൈക്കുകള്‍ ഉപേക്ഷിച്ച്‌ ആളുകൾ ഓടുന്ന ദൃശ്യങ്ങള്‍ അന്ന് വലിയ രീതിയില്‍ വൈറലായിരുന്നു.
