കൊതുകിനെ തുരത്താന്‍ ചില പൊടിക്കൈകള്‍

വിതച്ചുകൊണ്ടിരിക്കെ കൊതുകിന്റെ കാര്യത്തിൽ ഒട്ടും ഉപേക്ഷ പാടില്ല.വിപണിയിൽ ലഭിക്കുന്ന പല കൊതുക് നിവാരണ ഉപാധികളും ആരോഗ്യത്തിന് ഹാനികരമാണ്.ശ്വാസ സംബന്ധമായ പല അസുഖങ്ങൾക്കും ഇത് കാരണമാകും.അതിനാൽ പ്രകൃതിദത്ത മാർഗങ്ങളാണ് കൊതുക് നിവാരണത്തിനായി നാം സ്വീകരിക്കേണ്ടത്.

കൊതുക് നശീകരണത്തിന് ആദ്യം ചെയ്യേണ്ടത്. വീട്ടിൽ നിന്ന് കൊതുക് വളരാനുള്ള സാഹചര്യങ്ങളെ ഇല്ലാതാക്കുക എന്നുള്ളതാണ്. ഇതിനായി പ്രധാനമായും വീട്ടിലോ പരിസരങ്ങളിലൊ വെള്ളം കെട്ടി കിടക്കുന്ന സാഹചര്യം ഒഴിവാക്കുക. ഫ്രിഡ്ജിന്റെ അടിയിലെ ട്രേയിലെ വെള്ളം പലപ്പോഴും ആരും ശ്രദ്ധിയ്ക്കാതെ വിട്ടുപോകുന്ന ഒന്നാണ്. ഇത് സമയാസമയങ്ങളിൽ കളയാൻ പ്രത്യേകം ശ്രദ്ധിയ്ക്കണം. ചപ്പ് ചവറുകൾ മഴക്കാലത്ത് അലക്ഷ്യമായി വലിച്ചെറിയുന്നതും കൊതുക് വളരാൻ കാരണമാകും.

വേപ്പണ്ണയുടെ മണം കേട്ടാൽ കൊതുക് പമ്പ കടക്കും. വേപ്പണ്ണ നേർപ്പിച്ചത് വീടിനകത്ത് സ്പ്രേ ചെയ്താൽ കൊതുക് പിന്നെ ആ വഴിക്ക് വരില്ല,

കാപ്പിപ്പൊടി

കാപ്പിപ്പൊടി അൽപ്പമെടുത്ത് ചെറിയ പാത്രങ്ങളിൽ വീടിന്റെ പല ഭാഗത്തായി തുറന്ന് വയ്ക്കുക. കൊതുകുകൾ വരില്ല.

ആര്യവേപ്പ്

ആര്യവേപ്പില ഇട്ടു കാച്ചിയ എണ്ണ ദേഹത്ത് തേച്ച് പിടിപ്പിച്ചാൽ കൊതുക് കടിക്കുന്നത് തടയാം.

പപ്പായ ഇല

പപ്പായ തണ്ടിൽ മെഴുക് ഇരുക്കിയൊഴിച്ച് തയാറാക്കുന്ന മെഴുകു തിരിയും, അതേപോലെ പപ്പായയുടെ ഇല ഉപയോഗിച്ച് തയാറാക്കുന്ന നീരും കൊതുക് നിവാരണ ഉപാധിയാണ്. ഈ നീര് ലാർവകൾ ഉള്ള വെള്ളത്തിൽ ഒഴിച്ചാൽ അവ നശിക്കും.

കർപ്പൂരം

കർപ്പൂരം പുകച്ചാൽ കൊതുക് ഒരു പരിധിവരെ വീട്ടിൽ നിന്ന് മാറി നിൽക്കും.

തുളസി, റോസ്മേരി

വീടിന്റെ പരിസരത്ത്, തുളസി, റോസ്മേരി, വേപ്പ് തുടങ്ങിയ നട്ടാൽ കൊതുക് ശല്യത്തിൽ നിന്നും രക്ഷനേടാം. ഇഞ്ചപ്പുല്ലും കൊതുകിനെ തുരത്താനുള്ള ഫലപ്രദമായ മാർഗങ്ങളിലൊന്നാണ്.