കാസർഗോഡ്: കനത്ത സുരക്ഷാ വലയത്തിൽ മുഖ്യമന്ത്രി പിണറായി വിജയൻ ഇന്ന് കാസർഗോഡ്. വിവിധ പരിപാടികളിൽ പങ്കെടുക്കാൻ എത്തുന്ന മുഖ്യമന്ത്രിക്ക് സുരക്ഷ ഒരുക്കാൻ 15 ഡിവൈഎസ്പിമാരും 40 സിഐമാരും ഉൾപ്പെടെ 900 പൊലീസ് ഉദ്യോഗസ്ഥരെയാണ് നിയോഗിച്ചിരിക്കുന്നത്. പ്രതിപക്ഷ സംഘടനകളുടെ കരിങ്കൊടി പ്രതിഷേധം തുടരുന്ന സാഹചര്യത്തിലാണ് മുഖ്യമന്ത്രി പിണറായി വിജയന് കനത്ത സുരക്ഷ ഏർപ്പെടുത്തിയത്. കണ്ണൂർ, വയനട്, കോഴിക്കോട് ജില്ലകളിൽ നിന്നാണ് പൊലീസ് ഉദ്യോഗസ്ഥരെ എത്തിച്ചിരിക്കുന്നത്.
ചീമേനി തുറന്ന ജയിൽ അന്തേവാസികൾക്കുള്ള ബാരക്ക് കെട്ടിടം ഉദ്ഘാടനം, പിലിക്കോട് ഫാം കാർണിവല്‍ ഉദ്ഘാടനം, കാഞ്ഞങ്ങാട് കെഎസ്ടിഎ സമ്മേളനം, കുമ്പളയിൽ സിപിഎം ജനകീയ പ്രതിരോധ ജാഥ ഉദ്ഘാടനം എന്നിവയാണ് മുഖ്യമന്ത്രി പങ്കെടുക്കുന്ന പ്രധാന പരിപാടികൾ.
