യൂത്ത്കോണ്ഗ്രസ് അദ്ധ്യക്ഷനെ കണ്ടെത്താന് നേതൃത്വം ; വോട്ടുകൂടുതല് കിട്ടിയ അബിന് വര്ക്കിക്കായി ഐ ഗ്രൂപ്പ്, അഭിജിത്തിനായി എഗ്രൂപ്പ് , ബിരുചുള്ളിയിലിന് വേണ്ടി കെ.സി. വേണുഗോപാല്
തിരുവനന്തപുരം: രാഹുല് മാങ്കൂട്ടത്തില് പദവി ഒഴിഞ്ഞിട്ട് ഒരു മാസം പിന്നിടുമ്പോള് പുതിയ യൂത്ത്കോണ്ഗ്രസ് അദ്ധ്യക്ഷനെ കണ്ടെത്താന് കോണ്ഗ്രസ് നേതൃത്വം. വോട്ടിന്റെ കണക്ക് പ്രകാരം അബിന് വര്ക്കിക്കാണ് കൂടുതല് സാധ്യതയെങ്കിലും ഒ ജെ ജിനീഷ് കുമാര്, ദേശീയ സെക്രട്ടറി ബിനു ചുള്ളിയില്, എന് എസ് യു മുന് ദേശീയ ജനറല് സെക്രട്ടറി കെ എം അഭിജിത്ത് എന്നിവരും സാധ്യതാപട്ടികയിലുണ്ട്. നിയമനം എത്രയും വേഗത്തിലാക്കാനുള്ള നീക്കത്തിലാണ് ദേശീയ നേതൃത്വം.
സംസ്ഥാന അധ്യക്ഷനെ തെരഞ്ഞെടുക്കാന് അഭിമുഖം നടത്താനാണ് നേതൃത്വത്തിന്റെ തീരുമാനം. യൂത്ത് കോണ്ഗ്രസ് ദേശീയ കമ്മിറ്റിയാണ് അഭിമുഖം നടത്തുക. സംസ്ഥാന ഉപാധ്യക്ഷന്മാരായ അബിന് വര്ക്കി, രാണ് അന്തിമ പട്ടികയില്. സംഘടനാ തെരഞ്ഞെടുപ്പില് രണ്ടാം സ്ഥാനം ലഭിച്ച അബിന് വര്ക്കിക്ക് സ്ഥാനം നല്കണമെന്ന ആവശ്യമാണ് ഐ ഗ്രൂപ്പ് ഉയര്ത്തുന്നത്.
അതേസമയം കെ എം അഭിജിത്തിനായി എ ഗ്രൂപ്പും ബിനു ചുള്ളിയിന് വേണ്ടി കെ സി വേണുഗോപാല് പക്ഷവും കരുനീക്കം തുടങ്ങിയിട്ടുണ്ട്. ഒരാഴ്ചക്കകം അധ്യക്ഷനെ നിയമിക്കണമെന്ന സംസ്ഥാന നേതാക്കള് ആവശ്യപ്പെട്ടിട്ടുണ്ട്. അതിനിടെ ദേശീയ അദ്ധ്യക്ഷന് സംസ്ഥാനത്തെ മുതിര്ന്ന കോണ്ഗ്രസ് നേതാക്കളുമായി ആശയ വിനിമയം നടത്തി. അധ്യക്ഷ നിയമനം വൈകുന്നത് പ്രവര്ത്തനത്തെ ബാധിക്കുന്നതായി പരാതി ഉയര്ന്നിട്ടുള്ളതിനാല് പുതിയ അധ്യക്ഷനിയമനം വേഗത്തിലാക്കാനാണ് ശ്രമം.
