മകന്റെയും ഭര്ത്താവിന്റെയും മരണത്തിന് കാരണക്കാരി; സൈബര് ആക്രമണം നേരിട്ട് ‘പാല്പ്പായസം’ ഫെയിം ദിയ
![](https://newsthen.com/wp-content/uploads/2024/06/diya-khadeeja.jpg)
മകനെ കൊലപ്പെടുത്തി ഭര്ത്താവ് മരിച്ച സംഭവത്തില് സൈബര് ആക്രമണം നേരിട്ട് അഡല്റ്റ് വെബ്സീരിസ് നടി ദിയ ഖദീജ. മകന്റെയും ഭര്ത്താവിന്റെയും മരണത്തിന് കാരണക്കാരിയെന്നാരോപിച്ചാണ് സോഷ്യല് മീഡിയയില് താരം ആക്രമണം നേരിടുന്നത്. കഴിഞ്ഞ ബുധനാഴ്ച പുലര്ച്ചെ ഒന്നരയോടെയാണ് താരത്തിന്റെ ഭര്ത്താവായ ഷെരീഫിനേയും മകന് അല് ഷിഫാഫിനെയും വീടിന്റെ രണ്ടാം നിലയില് മരിച്ച നിലയില് കണ്ടത്തിയത്.
![Signature-ad](https://newsthen.com/wp-content/uploads/2024/06/signature.jpg)
മരിക്കുന്നതിന് മുന്പ് ഷെരീഫ് ദിയയെ വിളിച്ച് മകനെ കൊലപ്പെടുത്തി ആത്മഹത്യ ചെയ്യാന് പോകുകയാണെന്ന് ഭീഷണിപ്പെടുത്തിയിരുന്നു. താരം ഈ വിവരം മണ്ണുംതുരുത്തിലുള്ള അയല്വാസിയെ വിളിച്ചു പറഞ്ഞു. വിവരമറിഞ്ഞ് പൊലീസ് സ്ഥലത്ത് എത്തുമ്പോഴേക്കും ഷെരീഫും മകനും മരിച്ചിരുന്നു. ഇവരുടെ മൃതദേഹം കാണാന് ദിയ എത്തിയില്ലെന്നാണ് പൊലീസ് അറിയിച്ചത്. വളാഞ്ചേരിയില് നിന്നും ബന്ധുക്കളെത്തി മൃതദേഹങ്ങള് ഏറ്റുവാങ്ങി നാട്ടിലേക്ക് കൊണ്ടു പോകുകയായിരുന്നു. സംഭവത്തില് വിശദമായ അന്വഷണം നടന്നുവരികയാണ്.
അഡല്റ്റ് കണ്ടന്റ് വെബ്സീരിസ് നിര്മാതാക്കളായ യെസ്മയുടെ ‘പാല്പ്പായസം’ സീരിസില് അഭിനയിച്ചതിനെ തുടര്ന്ന് കടുത്ത വിവാദം നേരിട്ട നടിയാണ് ദിയ.