തൃശൂർ: പഴഞ്ഞി പെങ്ങാമുക്ക് ചീരന്‍ വീട്ടില്‍ പരേതനായ ശാമുവലിൻ്റെ മകന്‍ വില്‍സണ്‍ (59) ഷാർജയിൽ വാഹനാപകടത്തിൽ മരിച്ചു. അജ്മാന്‍ കേന്ദ്രീകരിച്ച് പ്രവര്‍ത്തിക്കുന്ന അല്‍-അഹ്‌സാര്‍ വാട്ടര്‍ അതോറിറ്റി എന്ന കമ്പനിയിലെ ട്രക്ക് ഡൈവറായി 25 വര്‍ഷത്തോളമായി പ്രവര്‍ത്തിച്ച് വരികയായിരുന്നു.
കുടിവെള്ള വിതരണം നടത്തുന്ന ട്രക്ക് ഓടിക്കുന്നതിനിടെ വാഹനം തലകീഴായി മറിഞ്ഞ് വീണാണ് അപകടം സംഭവിച്ചത്. സംഭവസ്ഥലത്ത് വെച്ച് തന്നെ വിൽസൺ മരിച്ചു.
മൃതദേഹം വീട്ടിലെത്തിച്ചു. ഇന്ന് (ചൊവ്വ) രാവിലെ 10ന് പഴഞ്ഞി ഇമ്മനുവേല്‍ മാര്‍ത്തോമാ പള്ളി സെമിത്തേരിയില്‍ സംസ്‌ക്കാരം നടക്കും.
ഭാര്യ- ജെസ്സി, മകന്‍- ജിഷിന്‍.
