![](https://newsthen.com/wp-content/uploads/2024/03/235438_1621707157.jpg)
തിരുവനന്തപുരം: കൊടും ചൂടില് വിയർത്ത് വലയുന്ന കേരളത്തിന് ഈ ആഴ്ച വേനല് മഴയുടെ ആശ്വാസമുണ്ടാകുമെന്ന് കാലാവസ്ഥ പ്രവചനം.
ഇന്ന് തലസ്ഥാനമടക്കം 5 ജില്ലകളില് വേനല് മഴക്ക് സാധ്യതയുണ്ടെന്നാണ് പ്രവചനം. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണ് ഇന്ന് മഴ സാധ്യതയുള്ളത്.
നിലവിലെ അറിയിപ്പ് പ്രകാരം നാളെയും മറ്റന്നാളും ആലപ്പുഴ, എറണാകുളം ജില്ലകളിലെങ്കിലും വേനല് മഴ ലഭിച്ചേക്കും. 28 -ാം തിയതി 3 ജില്ലകളിലാണ് നിലവില് മഴ സാധ്യതയുള്ളത്. കൊല്ലം, ആലപ്പുഴ, എറണാകുളം ജില്ലകളിലാണ് അന്നേ ദിവസം വേനല് മഴ ലഭിക്കാൻ ഏറ്റവും കൂടുതല് സാധ്യത.
![Signature-ad](https://newsthen.com/wp-content/uploads/2024/06/signature.jpg)
അതേസമയം കഴിഞ്ഞ രണ്ടുമൂന്ന് ദിവസമായി മോശമല്ലാത്ത മഴയാണ് തെക്കൻ കേരളത്തിൽ ലഭിക്കുന്നത്.ഇടിയോടു കൂടിയ മഴയായതിനാൽ ഏവരും ജാഗ്രത പുലർത്തേണ്ടത് അത്യാവശ്യമാണ്.