മണിമല: നിയന്ത്രണംവിട്ട കാര്‍ റോഡിൽ നിന്നും പാഞ്ഞിറങ്ങി സ്വകാര്യ വ്യക്തിയുടെ പുരയിടത്തിലെ കിണറിന്റെ മതിലില്‍ ഇടിച്ചുനിന്നു.
പുലർച്ചെ 4.30ാടെ കൊടുങ്ങൂർ-മണിമല റോഡില്‍ ഉള്ളായം ഭാഗത്തായിരുന്നു അപകടം.മണിമല ഭാഗത്തേക്ക് പോയ തിരുവനന്തപുരം സ്വദേശികള്‍ സഞ്ചരിച്ച കാറാണ് അപകടത്തില്‍പ്പെട്ടത്.ഇടിയുടെ ആഘാതത്തിൽ മതില്‍ പൂർണമായി തകർന്നു.
കാറിന്‍റെ ഒരു ഭാഗം മതിലിലിടിച്ചു തെന്നി മാറിയതിനാല്‍ കിണറ്റിലേക്ക് വീഴാതെ വലിയ അപകടമാണ് ഒഴിവായത്.സംഭവത്തിൽ യാത്രക്കാർ നിസാരപരിക്കുകളോടെ രക്ഷപെട്ടു.ഡ്രൈവർ ഉറങ്ങിപ്പോയതാണ് അപകടകാരണമെന്നാണ് സൂചന.
