സുൽത്താൻ ബത്തേരി: ബന്ദിപ്പൂർവഴിയുള്ള രാത്രിയാത്രാ പാസ് ലഭിച്ചതോടെ കൊട്ടാരക്കര-ബംഗളൂരു സ്വിഫ്റ്റ് ഡീലക്സ് ബസ് റൂട്ട് ബത്തേരി വഴിയാക്കി മാറ്റി.
അതേസമയം ബംഗളൂരുവില്‍നിന്നുള്ള മടക്ക സർവിസ് മാനന്തവാടി വഴിയാണ്.തിരുവനന്തപുരം സ്കാനിയ ബസിന്റെ പാസാണ് കൊട്ടാരക്കര സർവിസിന് നല്‍കിയത്.
ഉച്ചയ്ക്ക് 2.01ന് കൊട്ടാരക്കരയില്‍നിന്ന് പുറപ്പെട്ട് പിറ്റേന്ന് രാവിലെ 6.40ന് ബംഗളൂരുവിലെത്തും. ബംഗളൂരു സാറ്റലൈറ്റ് ബസ് ടെർമിനലില്‍നിന്ന് വൈകീട്ട് 4.16ന് പുറപ്പെട്ട് പിറ്റേന്ന് രാവിലെ 9.45ന് കൊട്ടാരക്കരയിലെത്തും.
