KeralaNEWS

പ്രായപൂര്‍ത്തിയാകാത്ത പെണ്‍കുട്ടിയെ ഓട്ടോറിക്ഷയില്‍വെച്ച്‌ പീഡിപ്പിച്ച ഡ്രൈവർക്ക് തടവും പിഴയും

മലപ്പുറം: പ്രായപൂര്‍ത്തിയാകാത്ത പെണ്‍കുട്ടിയെ ഓട്ടോറിക്ഷയില്‍വെച്ച്‌ ലൈംഗികമായി പീഡിപ്പിച്ച കേസില്‍ ഓട്ടോ ഡ്രൈവറായ പ്രതിക്ക് ആറുവര്‍ഷം കഠിനതടവും 10,000 രൂപ പിഴയും ശിക്ഷ വിധിച്ചു.

മേലാറ്റൂർ പേഴുംതറ പാതിരിക്കോട് കുന്നനാത്ത് സുബൈറിനെയാണ് (43) പെരിന്തല്‍മണ്ണ ഫാസ്റ്റ് ട്രാക്ക് സ്പെഷല്‍ കോടതി ജഡ്ജി എസ്. സൂരജ് ശിക്ഷിച്ചത്.

പോക്സോ വകുപ്പ് പ്രകാരം അഞ്ചുവർഷം കഠിനതടവിനും 10,000 രൂപ പിഴയടക്കാനുമാണ് ഉത്തരവ്. പിഴയടച്ചില്ലെങ്കില്‍ ആറുമാസം അധിക തടവിനും 354 എ പ്രകാരം ഒരുവർഷം കഠിന തടവിനും ഉത്തരവുണ്ട്.

Back to top button
error: