തിരുവനന്തപുരം: കരുവന്നൂര്‍ ബാങ്കിലെ നിക്ഷേപകര്‍ക്ക് 103 കോടി രൂപ തിരികെ നല്‍കിയെന്ന് മന്ത്രി വി.എന്‍ വാസവന്‍. നിക്ഷേപകര്‍ക്ക ബാങ്കിലുള്ള വിശ്വാസം തിരികെവന്നു. പലരും വീണ്ടും തുക നിക്ഷേപിക്കുന്നുണ്ട്. കണ്ടല ബാങ്കിന്റെ കാര്യവും പരിശോധിക്കുകയാണെന്നും മന്ത്രി പറഞ്ഞു.
”103 കോടി രൂപ നിക്ഷേപകര്‍ക്ക് മടക്കിക്കൊടുത്തു. ചിലര്‍ പറഞ്ഞു ഈ പ്രഖ്യാനം മാത്രമേയുള്ളൂ ഒരു രൂപ പോലും കൊടുക്കില്ലെന്ന്. 103 കോടി രൂപ നിക്ഷേപകര്‍ക്ക് കൊടുത്തപ്പോള്‍ ചിലര്‍ അതില്‍ കുറച്ച് തിരിച്ച് നിക്ഷേപിച്ചിട്ടാണ് പോയത്. ഈ ബാങ്കുമായുള്ള ബന്ധം വിച്ഛേദിക്കാന്‍ ജങ്ങള്‍ ഒരുക്കമല്ലെന്നും തിരിച്ചുകിട്ടുമെന്ന് ഇപ്പോള്‍ ആളുകള്‍ക്ക് ബോധ്യമായെന്നുമാണ് ഇത് വ്യക്തമാക്കുന്നത്” -മന്ത്രി പറഞ്ഞു.
”ഒരു ലക്ഷം വരേയുള്ള നിക്ഷേപങ്ങള്‍ പൂര്‍ണമായും കൊടുത്ത് തീര്‍ക്കുകയാണ്. വലിയ തുകകള്‍ കോടതി നിര്‍ദേശപ്രകാരം പലിശയുള്‍പ്പെടെ കൊടുത്തുകൊണ്ടിരിക്കുകയാണ്. ബാങ്കില്‍ വായ്പ്പകളും കൊടുത്തു തുടങ്ങിയിട്ടുണ്ട്. കരുവന്നൂര്‍ ബാങ്ക് അതിന്റെ പൂര്‍വസ്ഥിതിയിലേക്ക് വന്നുതുടങ്ങുകയാണ്”- വാസവന്‍ കൂട്ടിച്ചേര്‍ത്തു.
