കൊച്ചി: കേരള ബ്ലാസ്റ്റേഴ്സിന്റെ ഡിസംബറിലെ മികച്ച താരത്തിനുള്ള പുരസ്കാരം ദിമിത്രിയോസ് ഡയമന്റക്കോസ് സ്വന്തമാക്കി.
ഡിസംബറില്‍ നാലു മത്സരങ്ങള്‍ ആണ് കേരള ബ്ലാസ്റ്റേഴ്സ് കളിച്ചത്. ദിമി മൂന്ന് ഗോളുകളും ഒരു അസിസ്റ്റും ഈ നാലു മത്സരങ്ങളില്‍ നിന്ന് നേടി. ലൂണയുടെ അഭാവത്തില്‍ ടീമിന്റെ അറ്റാക്കിനെ മുന്നില്‍ നിന്ന് നയിക്കുന്നത് ദിമി തന്നെയാണ്.
മുംബൈ സിറ്റിക്ക് എതിരെയും മോഹൻ ബഗാനെതിരെയും ദിമി ഡിസംബർ മാസം നിര്‍ണായക ഗോളുകള്‍ നേടി. ഈ സീസണില്‍ ഇതുവരെ ഏഴ് ഗോളുകള്‍ ദിമി നേടിയിട്ടുണ്ട്.ടോപ് സ്കോര്‍ ചാര്‍ട്ടിലും ദിമി ലീഗില്‍ ഒന്നാമത് നില്‍ക്കുകയാണ്. ഇത് കൂടാതെ രണ്ട് അസിസ്റ്റും ദിമി ഈ സീസണില്‍ സംഭാവന ചെയ്തിട്ടുണ്ട്.
കേരള ബ്ലാസ്റ്റേഴ്സിനായി മികച്ച പ്രകടനമാണ് ദിമിത്രസ് ദയമന്റകോസ് ഈ സീസണില്‍ നടത്തി കൊണ്ടിരിക്കുന്നത്.
