ബംഗളൂരു: ശബരിമല തീര്‍ഥാടകരുടെ യാത്രാസൗകര്യം പരിഗണിച്ച്‌ ഡിസംബര്‍ ഒന്നുമുതല്‍ കര്‍ണാടക ആര്‍.ടി.സി പ്രത്യേക ബസ് സര്‍വിസ് നടത്തും.
ബംഗളൂരുവില്‍ നിന്ന് പമ്ബ (നിലക്കല്‍) വരെയാണ് ഐരാവത് വോള്‍വോ എ.സി ബസ് സര്‍വിസ് നടത്തുക. എല്ലാ ദിവസവും ഉച്ചക്ക് 1.50ന് ശാന്തിനഗര്‍ ബസ് സ്റ്റാൻഡില്‍ നിന്നാണ് ബസ് പുറപ്പെടുക. തുടര്‍ന്ന് സാറ്റലൈറ്റ് ബസ് സ്റ്റാൻഡിലെത്തി ഉച്ചക്ക് 2.30ന് പുറപ്പെടും.മൈസൂരുവില്‍ വൈകീട്ട് 5.35നാണ് ബസ് എത്തുക.പിറ്റേദിവസം രാവിലെ 6.30ന് പമ്ബയില്‍ എത്തും.
പമ്ബയില്‍ നിന്ന് തിരിച്ച്‌ വൈകീട്ട് ആറുമണിക്ക് പുറപ്പെട്ട് പിറ്റേന്ന് രാവിലെ 7.30ന് ബംഗളൂരുവില്‍ എത്തും. www.ksrtc.in സൈറ്റിലൂടെ ടിക്കറ്റുകള്‍ ബുക്ക് ചെയ്യാം.
