തിരുവനന്തപുരം: പ്രമുഖ കര്ണ്ണാടക സംഗീതജ്ഞയും ദില്ലി സര്വകലാശാല മുന് അധ്യാപികയുമായ ലീല ഓംചേരി അന്തരിച്ചു. 94 വയസായിരുന്നു. വാര്ധക്യസഹജമായ അസുഖങ്ങളെ തുടര്ന്ന് ദില്ലിയിലായിരുന്നു അന്ത്യം. അശോക് വിഹാറിലെ വസതിയില് കുറച്ച് നാളായി വിശ്രമത്തിലായിരുന്ന ലീല ഓംചേരിയുടെ ആരോഗ്യനില വൈകുന്നേരത്തോടെ വഷളാകുകയായിരുന്നു. സെന്റ് സ്റ്റിഫന്സ് ആശുപത്രിയില് എത്തിച്ചെങ്കിലും മരിച്ചു. നാടകാചാര്യന് ഓംചേരി എന് എന് പിള്ളയാണ് ഭര്ത്താവ്. പ്രമുഖ നര്ത്തകി ദീപ്തി ഓംചേരി ഭല്ല, എസ് ഡി ഓംചേരി എന്നിവര് മക്കളാണ്. അന്തരിച്ച ഗായകന് കമുകറ പുരുഷോത്തമന്റെ സഹോദരിയാണ് ലീല ഓംചേരി.
