2023-24ല്‍ തന്നെ ഈ മിനി മാളുകള്‍ പ്രവര്‍ത്തനമാരംഭിക്കുമെന്നും അദ്ദേഹം പറഞ്ഞു. ഇന്ത്യയില്‍ കൊച്ചി, തൃപ്രയാര്‍, ബെംഗളുരു, തിരുവനന്തപുരം, ലക്‌നൗ, ഹൈദരാബാദ് എന്നിവിടങ്ങളിലായി ആറ് മാളുകളാണ് ലുലു ഗ്രൂപ്പിനുള്ളത്. ഇത് കൂടാതെ കോയമ്ബത്തൂരില്‍ വമ്ബന്‍ ഹൈപ്പര്‍മാര്‍ക്കറ്റും ബെംഗളുരുവിലും കൊച്ചിയിലും ലുലു ഡെയ്‌ലി സ്റ്റോഴ്‌സുമായി റീറ്റെയ്ല്‍ രംഗത്തും ഗ്രൂപ്പ് സജീവമാണ്. ഇവ കൂടാതെയാണ് മിനി ലുലു മാളുകള്‍ വരുന്നത്.
മാളുകള്‍, ഭക്ഷ്യ സംസ്‌കരണ യൂണിറ്റുകള്‍, ഹൈപ്പര്‍ മാര്‍ക്കറ്റുകള്‍ എന്നിവയുള്‍പ്പെടെയുള്ള വിവിധ പദ്ധതികളിലായി അടുത്ത മൂന്ന് വര്‍ഷത്തില്‍ ഇന്ത്യയില്‍ 10,000 കോടി രൂപയുടെ നിക്ഷേപമാണ് ഗ്രൂപ്പ് ആസൂത്രണം ചെയ്‌തിരിക്കുന്നത്. ഗുഡ്ഗാവ്, നോയ്ഡ, പ്രയാഗ്‌രാജ്, വാരാണസി, കാണ്‍പൂര്‍, ബെംഗളുരു, ശ്രീനഗര്‍, നാഗ്പൂര്‍, നാസിക്, പുനെ, സൂരറ്റ്, ബറോഡ തുടങ്ങിയ ഇടങ്ങളിലാണ് നിക്ഷേപ പദ്ധതികള്‍ പരിഗണിക്കുന്നത്.
