പത്തനംതിട്ട: പത്തനംതിട്ടയിൽ യുവതിയുടെ വീട് സുഹൃത്തും സംഘവും അടിച്ച് തകർത്തു. പ്രണയത്തിൽ നിന്ന് പിൻമാറിയതിനാണ് ആക്രമണമെന്ന് പൊലീസ് പറയുന്നു. പെൺകുട്ടിയുടെ പരാതിയിൽ സുഹൃത്തായിരുന്ന കാപ്പ കേസ് പ്രതിയും കൂട്ടാളികളും പിടിയിലായി. കാപ്പാക്കേസ് പ്രതിയും പെൺകുട്ടിയുടെ സുഹൃത്തുമായ ചങ്ങനാശ്ശേരി നാലുകോടി സ്വദേശി പ്രണവ് സുരേഷ് (22 ), തിരുവല്ല മുത്തൂർ സ്വദേശി ജിതിൻ (22), തിരുവല്ല കുറ്റപ്പുഴ സ്വദേശി സി. ജിതിൻ ( 19 ) എന്നിവരാണ് പൊലീസിന്‍റെ പിടിയിലായത്.
