ബ്ലാസ്റ്റേഴ്സിന് ഈ‌ സ്റ്റേഡിയം പോര; മഞ്ഞപ്പട ആരാധകരെ കണ്ട് ഞെട്ടി ഏഷ്യൻ ഫുട്ബോൾ ജനറൽ സെക്രട്ടറി

ഏഷ്യൻ ഫുട്ബോൾ കോൺഫെഡറേഷന്റെ ജനറൽ സെക്രട്ടറിയായ ഡറ്റോ വിന്റ്സർ ജോൺ ഈ മത്സരം കാണാൻ നേരിട്ട് എത്തിയിരുന്നു.കേരള ബ്ലാസ്റ്റേഴ്സിന്റെ ഈ ആരാധകർ അദ്ദേഹത്തെ അത്ഭുതപ്പെടുത്തിയിട്ടുണ്ട്.എന്നാൽ ഇത്രയും ആരാധകർ ഒരുമിച്ച് കൊച്ചി സ്റ്റേഡിയത്തിൽ തടിച്ചു കൂടുന്നതിന്റെ അശാസ്ത്രീയതയെ പറ്റിയും ദുരന്ത സാധ്യതകളെ പറ്റിയും അദ്ദേഹം വിലയിരുത്തുകയും ചെയ്തു.

ഫുട്ബോളിന് മാത്രമായി ഒരു സ്റ്റേഡിയം നിർമ്മിക്കണമെന്നാണ് ഇദ്ദേഹത്തിന്റെ നിർദേശം.ഒരു വലിയ ആരാധക കൂട്ടവും ഉള്ളതിനാൽ ബാക്കിയുള്ളതൊന്നും നോക്കേണ്ട കാര്യമില്ല എന്നാണ് ഇദ്ദേഹം പറയുന്നത്.എല്ലാവിധ സുരക്ഷാ സൗകര്യങ്ങളോടും കൂടിയുമുള്ള ഒരു പുതിയ സ്റ്റേഡിയം നിർമ്മിക്കുക മാത്രമാണ് ചെയ്യേണ്ടത്, ബാക്കിയെല്ലാം ഇതിനോടകം തന്നെ എസ്റ്റാബ്ലിഷ് ആയി കഴിഞ്ഞു എന്നും അദ്ദേഹം പറഞ്ഞു.

നിലവിൽ കൊച്ചി ജവഹർലാൽ നെഹ്റു സ്റ്റേഡിയം ഫുട്ബോളിന് മാത്രമുള്ളതല്ല, മറിച്ച് ക്രിക്കറ്റ് ഉൾപ്പെടെയുള്ള കായിക ഇനങ്ങൾക്കും മറ്റു പരിപാടികൾക്കുമുള്ള വേദികൂടിയാണ് ഇത്.ഫുട്ബോളിന് മാത്രമായി അതല്ലെങ്കിൽ കേരള ബ്ലാസ്റ്റേഴ്സിന് മാത്രമായി ഒരു പുതിയ സ്റ്റേഡിയം എല്ലാവിധ സൗകര്യങ്ങളോടുകൂടിയും നിർമ്മിച്ചാൽ നല്ലതായിരിക്കും എന്ന  നിർദ്ദേശമാണ് ഇദ്ദേഹം മുന്നോട്ടു വെച്ചത്. മാത്രമല്ല നഗര മധ്യത്തിൽ നിന്നും മാറി നിർമ്മിക്കുന്നതാണ് സുരക്ഷയ്ക്ക് നല്ലത് എന്ന ഒരു അഭിപ്രായവും ഇദ്ദേഹത്തിനുണ്ട്.

കൊച്ചി സ്റ്റേഡിയത്തിൽ അടിസ്ഥാന സൗകര്യങ്ങളുടെ അഭാവമുണ്ട്.മാത്രമല്ല സ്റ്റേഡിയം നിൽക്കുന്ന പൊസിഷൻ തന്നെ തെറ്റാണ്.നഗരമധ്യത്തിലെ ഈ സ്റ്റേഡിയം ഒരുപാട് സുരക്ഷാ പ്രശ്നങ്ങൾ ഉള്ളതാണ്.മാത്രമല്ല ഒരല്പം പഴയതുമാണ്.നവീകരണങ്ങൾ ആവശ്യമാണ്.

‘ഈ സ്റ്റേഡിയം നവീകരിക്കുകയാണെങ്കിൽ അതിന് പരിമിതികളുണ്ട്.പ്രധാന പരിമിതി ഈ സ്റ്റേഡിയം നിലനിൽക്കുന്ന സ്ഥലം തന്നെയാണ്.അത് സുരക്ഷാ പ്രശ്നങ്ങൾ ഉള്ള ഒരു സ്ഥലമാണ്.അതിലുപരി ഈ‌ ആരാധക കൂട്ടത്തെ താങ്ങാനുള്ള ശേഷി അതിനില്ല’- അദ്ദേഹം കൂട്ടിച്ചേർത്തു.