പൊൻകുന്നം:പാലാ – പൊൻകുന്നം റോഡിൽ നിയന്ത്രണം വിട്ട സ്വകാര്യ ബസ് വീട്ടുമുറ്റത്തേക്ക്
മറിഞ്ഞെങ്കിലും വീട്ടുകാർ അത്ഭുതകരമായി രക്ഷപ്പെട്ടു.ബസിൽ ഡ്രൈവർ മാത്രമായിരുന്നു ഉണ്ടായിരുന്നത്.ഇയാൾക്കും പരിക്കുകളില്ല.
തിങ്കളാഴ്ച പുലര്‍ച്ചയാണ് അപകടം. മണിമല സ്വദേശി കഴിഞ്ഞ ദിവസമാണ് റൂട്ടുള്‍പ്പെടെ ഈ ബസ് വാങ്ങിയത്.ആദ്യ സര്‍വിസിനായി പാലായിലേക്ക് പോകുകയായിരുന്നു.
നിരന്തരം അപകടങ്ങള്‍ നടക്കുന്ന വളവില്‍ രണ്ടുദിവസം മുൻപ് ഇവിടെത്തന്നെ കാര്‍ മറിഞ്ഞിരുന്നു. സമീപത്തെ വീട്ടുമുറ്റത്തേക്ക് മുൻപ് നാലുതവണ വാഹനങ്ങള്‍ മറിഞ്ഞിട്ടുണ്ട്. വീടിന് നാശമുണ്ടാവുകയും ഷെഡില്‍ പാര്‍ക്ക് ചെയ്ത വാഹനങ്ങള്‍ തകരുകയും ചെയ്തിട്ടുണ്ട്.ഇവിടെ ക്രാഷ്ബാരിയർ സ്ഥാപിക്കണമെന്ന് വര്‍ഷങ്ങളായി ആവശ്യപ്പെടുന്നതാണെങ്കിലും നടപടിയില്ലെന്ന് വീട്ടുകാർ പരാതിപ്പെടുന്നു.
