സംഭവത്തില്‍ മദേഷിനെ (30) പൊലീസ് കസ്റ്റഡിയിലെടുത്തു. ഇവരുടെ കുഞ്ഞ് ആശുപത്രിയില്‍ ചികിത്സയിലാണ്.ഇന്നലെ പുലര്‍ച്ചെയാണ് ലോകനായകി വീട്ടില്‍ പ്രസവിച്ചത്. യുവതിയ്ക്ക് പ്രസവവേദന അനുഭവപ്പെട്ടതിന് പിന്നാലെ ഭര്‍ത്താവ് മുൻകെെയെടുത്ത് വീട്ടില്‍ തന്നെ പ്രസവം നടത്തുകയായിരുന്നു.
പ്രസവത്തിന് പിന്നാലെ യുവതിയുടെ നില വഷളായി. തുടര്‍ന്ന് ഭാര്യയെയും കുഞ്ഞിനെയും മദേഷ് സമീപത്തെ പ്രാഥമിക ആരോഗ്യകേന്ദ്രത്തില്‍ എത്തിച്ചു. എന്നാല്‍ ആശുപത്രിയില്‍ എത്തിക്കുന്നതിന് മുൻപ് തന്നെ യുവതി മരിച്ചതായി ഡോക്ടര്‍ പറഞ്ഞു. തുടര്‍ന്ന് മെഡിക്കല്‍ ഓഫീസറാണ് പൊലീസിന് വിവരമറിയിച്ചത്.
പൊലീസ് അന്വേഷണത്തിലാണ് യൂട്യൂബ് നോക്കി മദേഷ് തന്നെ വീട്ടിൽ പ്രസവമെടുക്കുക്കയായിരുന്നെന്ന് മനസ്സിലായത്.സംഭവത്തില്‍ പൊലീസ് അസ്വാഭാവിക മരണത്തിനാണ് നിലവിൽ കേസെടുത്തിട്ടുള്ളത്.
