ഹൈപ്പര്‍ മാര്‍ക്കറ്റും പി വി ആര്‍ സിനിമാസിന്റെ 9 സ്ക്രീൻ അടങ്ങുന്ന മള്‍ട്ടിപ്ലക്‌സ് തീയേറ്ററും ഉള്‍പ്പടെ പത്തേക്കറിൽ 10.6 ലക്ഷം ചതുരശ്ര അടി വിസ്തൃതിയിലാണ് മാൾ.വലിയ തോതിലുള്ള ഡിപ്പാര്‍ട്ട്‌മെന്റ് സ്റ്റോറുകളും മാളിലുണ്ട്.
ടെക് കമ്ബനികളായ എയ്‌സര്‍, അസ്യൂസ്, ഡെല്‍, എച്.പി എന്നിവയും ഫാഷന്‍ ബ്രാൻഡുകളായ അഡിഡാസ്, ആല്‍ഡോ, ആല്ലൻ സോളി, ബിര്‍ക്കൻസ്റ്റോക്ക്, എല്‍.പി, പ്യൂമ, വുഡ്ലാൻഡ് എന്നിവയും ഇന്ത്യയിലെ മികച്ച ബുക്ക് സ്റ്റോര്‍ ആയ ക്രോസ് വേര്‍ഡും വാച്ചുകളുടെ ബ്രാൻഡായ ലോഞ്ചിനെസ്സ്, റാഡോ, ടിസോട് തുടങ്ങിയവയുല്‍പ്പെടെ ഇരുന്നൂറിലധികം സ്റ്റോറുകളാണ് മാളില്‍ ഒരുങ്ങുന്നത്.
ഫണ്‍സിറ്റിയിലൂടെ കുട്ടികള്‍ക്കായി മികച്ച എന്‍റര്‍ടെയിന്‍മെന്‍റ് ആന്‍ഡ് ഗെയിമിംഗ് സെന്റര്‍ ആണ് ഫോറം മാളില്‍ ഒരുക്കിയിരിക്കുന്നത്. ലോകോത്തര ബ്രാൻഡുകളോടൊപ്പം, ഫാമിലി എന്റര്‍ടൈമെന്റിനുള്ള ഭാഗവും മാളിലെ പ്രധാന കാഴ്ച്ചകളാണ്. ഇരുപതിലധികം റെസ്റ്ററന്‍റുകളും 11 ഫുഡ് കൌണ്ടറുകളും അടങ്ങുന്ന 700 സീറ്റുകളുള്ള വിശാലമായ ഫുഡ് കോര്‍ട്ടാണ് മാളിലുള്ളത്.
ബാംഗ്ലൂര്‍, ഡല്‍ഹി, അഹമ്മദാബാദ്, ചെന്നൈ, ഹൈദരാബാദ്, കൊച്ചി, മൈസൂര്‍, മംഗലാപുരം, ഗോവ എന്നിങ്ങനെ രാജ്യത്തെ പ്രധാന നഗരങ്ങളില്‍ ഫോറം മാളുകള്‍ നിലവിലുണ്ട്.
