കോട്ടയത്ത് സ്വകാര്യ ധനകാര്യ സ്ഥാപനത്തില്‍ വൻ കവര്‍ച്ച. ചിങ്ങവനം മന്ദിരം കവലയിലെ സുധ ഫൈനാൻസിലാണ് കവര്‍ച്ച നടന്നത്.ഒരു കോടിയോളം രൂപയുടെ സ്വര്‍ണവും 8 ലക്ഷം രൂപയും നഷ്ടമായതായാണ് വിവരം.
ശനിയാഴ്ച വൈകിട്ട് അടച്ച സ്ഥാപനം ഇന്നു രാവിലെ തുറന്നപ്പോഴാണ് കവര്‍ച്ച വിവരം പുറത്തറിഞ്ഞത്.ഇലക്‌ട്രിക് കട്ടര്‍ ഉപയോഗിച്ച്‌ ലോക്കര്‍ തകര്‍ത്തായിരുന്നു മോഷണം.സി.സി.ടിവിയുടെ ഹാര്‍ഡ് ഡിസ്‌കും മോഷണം പോയിതായി വിവരമുണ്ട്.
അതേസമയം അന്വേഷണത്തിന് പ്രത്യേക സംഘം രൂപീകരിക്കുമെന്ന് കോട്ടയം ജില്ലാ പൊലീസ് മേധാവി കാര്‍ത്തിക് അറിയിച്ചു. നടന്നത് ഗുരുതര കുറ്റകൃത്യമാണെന്നും തെളിവുകള്‍ ശേഖരിച്ചു കൊണ്ടിരിക്കുകയാണെന്നും അദ്ദേഹം പറഞ്ഞു.
