തിരുവല്ല:കാറും ലോറിയും കൂട്ടിയിടിച്ചുണ്ടായ അപകടത്തില്‍ അഞ്ച് പേര്‍ക്ക് പരുക്കേറ്റു.ഇതിൽ ഒരാളുടെ നില ഗുരുതരമാണെന്നാണ് വിവരം.
കാവുംഭാഗം – ഇടിഞ്ഞില്ലം റോഡിലെ അടിയിടത്ത് ചിറയില്‍ ഇന്നു വൈകുന്നേരമായിരുന്നു സംഭവം.
കാര്‍ യാത്രികരായിരുന്ന കടപ്ര സ്വദേശികളായ സ്റ്റെഫിൻ, ദേവാനന്ദ്, ശരത്, കുര്യൻ, മണിക്കുട്ടൻ എന്നിവര്‍ക്കാണ് പരുക്കേറ്റത് . വൈകിട്ട് അഞ്ചരയോടെ അടിയിടത്ത് ചിറ ഇളയിടത്ത് ക്ഷേത്രത്തിന് സമീപത്തെ കൊടും വളവിലായിരുന്നു അപകടം.
അപകടത്തില്‍ പരുക്കേറ്റ അഞ്ചുപേരെയും കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഇതില്‍ മൂന്നുപേരുടെ നില ഗുരുതരമാണ്. തിരുവല്ല പൊലീസ് എത്തി മേല്‍നടപടികള്‍ സ്വീകരിച്ചു.
