പാലക്കാട്: പട്ടാമ്ബി വല്ലപ്പുഴയില്‍ ഷോക്കേറ്റ് 48കാരന് ദാരുണാന്ത്യം. ചെറുകോട് ഓവുങ്ങല്‍ തൊടി ചോലയില്‍ ശ്രീകുമാറാണ് മരിച്ചത്.
ഇന്നലെ രാത്രി വീട്ടില്‍ നിന്നും മീൻ പിടിക്കാൻ പോയതായിരുന്നു. കാണാതായതിനെ തുടര്‍ന്ന് നടത്തിയ തെരച്ചിലിലാണ് ശ്രീകുമാറിനെ പാടത്ത് മരിച്ച നിലയില്‍ കണ്ടെത്തിയത്.
കാട്ടുപന്നിയെ തടയുന്നതിനായി സ്ഥാപിച്ച വൈദ്യുത കമ്ബിയില്‍ നിന്ന് ഷോക്കേറ്റാണ് മരണമെന്നാണു സംശയം. സംഭവത്തില്‍ പട്ടാമ്ബി പോലീസ് അന്വേഷണം ആരംഭിച്ചു.
