പയ്യോളി:കനത്ത മഴയില്‍ ബസ് ബ്രേക്ക് ഡൗണായതിനെ തുടര്‍ന്ന് ദേശീയപാതയിൽ ഗതാഗതം തടസപ്പെട്ടു. കോഴിക്കോട്ടേയ്ക്ക് പോവുകയായിരുന്ന സ്വകാര്യ ബസാണ് പയ്യോളി ഹൈസ്ക്കൂളിന് സമീപം വെള്ളക്കെട്ടില്‍ ബ്രേക്ക് ഡൗണായത്.
വടകര-കോഴിക്കോട് റോഡിലാണ് സംഭവം. വെള്ളക്കെട്ടില്‍ നിന്നും ബസ് മാറ്റാത്തതിനാല്‍ സര്‍വീസ് റോഡ് വഴിയാണിപ്പോള്‍ വാഹനങ്ങള്‍ കടത്തിവിടുന്നത്. ഇതേ സ്ഥലത്ത് ഇന്നലെ കാര്‍ വെള്ളത്തില്‍ മുങ്ങിയതിനെ തുടര്‍ന്ന് ഗതാഗതം തടസ്സപ്പെട്ടിരുന്നു.
