കോട്ടയം : ഡ്രൈഡേയില്‍ ഓട്ടോറിക്ഷയില്‍ മദ്യവില്‍പന നടത്തിയതിനു കുമാരനല്ലൂര്‍ മോസ്കോ ശ്രീവിഹാറില്‍ എം.ശ്രീജിത്ത്‌ (42) എക്സൈസ് പിടിയിലായി.
കുമാരനല്ലൂര്‍ മോസ്കോ ജംക്‌ഷനു സമീപം ഓട്ടോറിക്ഷയില്‍ അനധികൃതമായി മദ്യം സൂക്ഷിച്ചു വില്‍ക്കുമ്ബോഴാണു പിടിയിലായത്. 16 ലീറ്റര്‍ വിദേശമദ്യവും മദ്യം വിറ്റ വകയില്‍ ലഭിച്ച 1950 രൂപയും പിടിച്ചെടുത്തു.
കോട്ടയം എക്സൈസ് സര്‍ക്കിള്‍ ഓഫിസിലെ പ്രിവന്റീവ് ഓഫിസര്‍ ബി.ആനന്ദരാജിന്റെ നേതൃത്വത്തില്‍ പ്രവന്റീവ് ഓഫിസര്‍ എ.പി.ബാലചന്ദ്രൻ, ഗ്രേഡ് പ്രിവന്റീവ് ഓഫിസര്‍ കെ.എൻ.അജിത് കുമാര്‍, സിവില്‍ എക്സൈസ് ഓഫിസര്‍മാരായ കെ.ജി.ജോസഫ്, പ്രവീണ്‍ ശിവാനന്ദ്, ഡ്രൈവര്‍ അനസ് എന്നിവര്‍ ചേര്‍ന്നാണ് അറസ്റ്റ് ചെയ്തത്.
