തെന്നിന്ത്യൻ പ്രേക്ഷകരുടെ പ്രിയപ്പെട്ട ഒരു താരമാണ് തമന്ന ഭാട്ട്യ. ആമസോൺ പ്രൈം വീഡീയോയിലെ വെബ് സീരീസായ ‘ജീ കാർദാ’യിൽ തമന്ന ഒരു പ്രധാന വേഷത്തിൽ എത്തുന്നുണ്ട്. സീരീസിനായി തമന്ന ടോപ്‍ലെസായത് ചർച്ചയാകുകയാണ്. ചുംബനരംഗങ്ങൾ ഒരിക്കലും ചെയ്യില്ലെന്ന് നിലപാടെടുത്ത താരമായ തമന്ന എന്തു കൊണ്ടാണ് ഇങ്ങനെ ചെയ്‍തതെന്നാണ് ആരാധകർ ചോദിക്കുന്നത്.
നടൻ വിജയ് വർമ്മയുമായുള്ള തൻറെ പ്രണയം തമന്ന അടുത്തിടെ സ്ഥിരീകരിച്ചിരുന്നു. നെറ്റ്ഫ്ലിക്സിൻറെ ആന്തോളജി ചിത്രം ‘ലസ്റ്റ് സ്റ്റോറീസ് 2’ൽ ഇരുവരും ഒരുമിച്ച് അഭിനയിക്കുന്നുണ്ട്. ചിത്രത്തിൻറെ സെറ്റിൽ നിന്നാണ് തങ്ങളുടെ പ്രണയകഥ ആരംഭിക്കുന്നതെന്നാണ് തമന്ന വെളിപ്പടുത്തിയത്. ഫിലിം കമ്പാനിയന് നൽകിയ അഭിമുഖത്തിലാണ് തങ്ങൾ ഡേറ്റിംഗിൽ ആണെന്ന വിവരം തമന്ന ഭാട്യ സ്ഥിരീകരിച്ചത്.
ഒപ്പം ഒരു ചിത്രത്തിൽ അഭിനയിക്കുന്ന താരമാണ് എന്നതുകൊണ്ട് നമുക്ക് ഒരാളോട് അടുപ്പം തോന്നില്ല. ഒരുപാട് നടന്മാർക്കൊപ്പം താൻ പ്രവർത്തിച്ചിട്ടുണ്ട്. മറിച്ച് അങ്ങനെ തോന്നണമെങ്കിൽ തീർത്തും വ്യക്തിപരമായ ചില കാരണങ്ങൾ കാണും. ഒരാളുടെ ജോലി എന്താണ് എന്നതല്ല അവിടെ കാരണമായി പ്രവർത്തിക്കുക, ഇത് സംഭവിച്ചതിന് കാരണവും അതല്ല എന്നും തമന്ന വ്യക്തമാക്കുന്നു.
വിജയ് വർമ്മയുമായുള്ള തൻറെ ബന്ധം വളരെ സ്വാഭാവികമായി സംഭവിച്ച ഒന്നാണെന്നും ഏറെ ഇഷ്‍ടം തോന്നുന്ന ഒരാളാണ് വിജയ് എന്നും തമന്ന ഇതേ അഭിമുഖത്തിൽ പറയുന്നു. എൻറെ സന്തോഷത്തിൻറെ ഇടമാണ് അത്. ഒരു പങ്കാളിയെ കണ്ടെത്താനായി, അയാളെ ബോധ്യപ്പെടുത്താനായി നിങ്ങൾക്ക് പലതും ചെയ്യേണ്ടതായിവരും. പക്ഷേ ഞാൻ സൃഷ്ടിച്ചിട്ടുള്ള ലോകം എൻറെ യാതൊരു അധ്വാനവും കൂടാതെ മനസിലാക്കുന്ന ഒരാളെയാണ് ഇവിടെ ലഭിച്ചിരിക്കുന്നതെന്നും തമന്ന അഭിമുഖത്തിൽ വ്യക്തമാക്കുന്നു.
