കുട്ടികളുടെ മുന്നിൽ ഹെഡ്മിസ്ട്രസും അധ്യാപികമാരും തമ്മിൽ പൊരിഞ്ഞ അടി 

കൊറിയ ഗ്രാമത്തിലെ പഞ്ചായത്ത് സ്‌കൂളിലെ അധ്യാപികമാരായിരുന്നു കൂട്ടത്തല്ല് നടത്തിയത്.ക്ലാസ് മുറിയുടെ ജനാലകള്‍ അടയ്ക്കാന്‍ ഹെഡ്മിസ്ട്രസ്സ് ആവശ്യപ്പെടുകയും മറ്റേയാള്‍ നിരസിക്കുകയും ചെയ്തതാണ് വൈറലായ അടിപിടിയിലേക്ക് കാര്യങ്ങൾ എത്തിച്ചത്.വിദ്യാര്‍ത്ഥികള്‍ നോക്കി നില്‍ക്കെ ഹെഡ്മിസ്ട്രസും അധ്യാപികയും തമ്മില്‍ വാക്ക് തര്‍ക്കമുണ്ടായി.പിന്നാലെ പുറത്തേക്കുവന്ന അധ്യാപിക ഹെഡ്മിസ്ട്രസിനെ അടിക്കുകയായിരുന്നു.തൊട്ടുപിന്നാലെ മറ്റൊരു അധ്യാപിക ചെരുപ്പുമായി ഓടിയെത്തി. ചെരുപ്പുകൊണ്ട് അവരും ഹെഡ്മിസ്ട്രസ്സിനെ അടിച്ചു.ഇരുവരും ചേര്‍ന്ന് സ്‌കൂളിനോട് ചേര്‍ന്നുള്ള വയലിലേക്ക് ഹെഡ്മിസ്ട്രസ്സിനെ വലിച്ചുകൊണ്ടുപോയി ഒരാൾ പിടിച്ചുകിടത്താൻ ശ്രമിക്കുന്നതും മറ്റയാൾ ചെരുപ്പുകൊണ്ട് വീണ്ടും മര്‍ദ്ദിക്കുന്നതും ദൃശ്യങ്ങളില്‍ കാണാം.