ഷൊർണൂർ:ട്രെയിനില്‍ യാത്രക്കാരന് കുത്തേറ്റു.പരപ്പനങ്ങാടി സ്വദേശി ദേവദാസിനാണ് ഷൊര്‍ണൂരില്‍വെച്ച് കുത്തേറ്റത്.മരുസാഗര്‍ എക്‌സ്പ്രസ് ഷൊര്‍ണൂരില്‍ എത്തിയപ്പോഴായിരുന്നു സംഭവം. വാക്കുതര്‍ക്കത്തെ തുടര്‍ന്ന് സഹയാത്രികന്‍ കൈയ്യില്‍ കരുതിയിരുന്ന മദ്യക്കുപ്പി പൊട്ടിച്ച് കുത്തുകയായിരുന്നുവെന്ന് പോലീസ് പറഞ്ഞു.രക്ഷപ്പെടാന്‍ ശ്രമിക്കുന്നതിനിടെ അക്രമിയെ ആര്‍പിഎഫ് പിടികൂടി. ദേവദാസിന്റെ കണ്ണിനാണ് കുത്തേറ്റത്. ഇയാളെ കോഴിക്കോട് മെഡിക്കൽ കോളജിൽ പ്രവേശിപ്പിച്ചു
