ഇടുക്കി:കർണാടകയിലെ വിജയത്തിൽ ആഹ്‌ളാദ പ്രകടനം നടത്തിയ കോണ്‍ഗ്രസ് പ്രവര്‍ത്തകൻ ഇടുക്കിയിൽ കുഴഞ്ഞുവീണ് മരിച്ചു.
കര്‍ണാടക നിയമസഭ തിരഞ്ഞെടുപ്പില്‍ കോണ്‍ഗ്രസ് വിജയിച്ചതിനെ തുടര്‍ന്ന് വണ്ടിപ്പെരിയാറില്‍ പാര്‍ട്ടി മണ്ഡലം കമ്മിറ്റികളുടെ നേതൃത്വത്തില്‍ നടത്തിയ ആഹ്‌ളാദ പ്രകടനത്തിനിടയിലാണ് സംഭവം.
കറുപ്പുപാലം പ്രഭു ഭവനത്തില്‍ പരേതനായ ശിവന്റെ മകന്‍ എസ്.ഡി. സെല്‍വകുമാറാ(49)ണ് മരിച്ചത്.കൂടെയുണ്ടായിരുന്നവർ ഉടന്‍തന്നെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
ഭാര്യ: സുന്ദരി. മക്കള്‍: പ്രഭു, പ്രിയ. അമ്മ: പാപ്പാത്തി. സംസ്‌കാരം ഞായറാഴ്ച രണ്ടുമണിക്ക് വീട്ടുവളപ്പില്‍.
