തിരുവനന്തപുരം: സംസ്ഥാനത്ത് ഇന്ന് ഉയര്‍ന്ന താപനില മുന്നറിയിപ്പ്‌.പാലക്കാട്‌ താപനില 41 ഡിഗ്രി വരെയും കൊല്ലം, തൃശൂര്‍, കോട്ടയം ജില്ലകളില്‍ 38-40 ഡിഗ്രി വരെയും കോഴിക്കോട്‌, ആലപ്പുഴ 37-38 ഡിഗ്രി വരെയും ഉയര്‍ന്നേക്കും എന്നാണ് സൂചന.
ഇന്നലെ പാലക്കാട്ട്‌ 40.1 ഡിഗ്രി രേഖപ്പെടുത്തിയിരുന്നു. ഈ വര്‍ഷത്തെ സംസ്ഥാനത്തെ ഏറ്റവുമുയര്‍ന്ന താപനിലയായിരുന്നു ഇത്‌. ചൊവ്വാഴ്‌ച പുനലൂര്‍ 38.5, കോട്ടയം 38, വെള്ളാനിക്കര 37.7, കോഴിക്കോട്‌ 37.1, ആലപ്പുഴ 37.2 ഡിഗ്രി രേഖപ്പെടുത്തി.
അതേസമയം തിരുവനന്തപുരം,പത്തനംതിട്ട ജില്ലകളിലെ മലയോരമേഖലകളില്‍ ഇന്നലെ മഴ ലഭിച്ചിരുന്നു.ഇന്നും തെക്കന്‍ ജില്ലകളില്‍ ഇടിമിന്നലോടു കൂടിയ മഴയ്‌ക്കും കാറ്റിനും സാധ്യതയുണ്ടെന്നാണ് റിപ്പോർട്ട്.
