തിരുവനന്തപുരം:വേനൽമഴയിൽ സംസ്ഥാനത്ത് ഇതുവരെ രേഖപ്പെടുത്തിയത് 38 ശതമാനത്തിന്റെ കുറവ്. വടക്കന്‍ ജില്ലകളിലാണ് മഴക്കുറവ് ഏറെയും കൂടുതല്‍ അനുഭവപ്പെട്ടത്.ഈ വേനൽക്കാലത്ത് ഇതുവരെ തീരെ മഴ കിട്ടാതിരുന്നത് കണ്ണൂരിലാണ്.
100 ശതമാനം മഴ കുറവാണ് കണ്ണൂരില്‍ രേഖപ്പെടുത്തിയത്.മലപ്പുറത്ത് 95 ശതമാനം മഴ കുറവും കാസര്‍കോട്, കണ്ണൂര്‍ ജില്ലകളില്‍ 94 ശതമാനം കുറവുമാണ് രേഖപ്പെടുത്തിയത്.തൃശ്ശൂരില്‍ 82 ശതമാനം മഴ കുറവും രേഖപ്പെടുത്തിയിട്ടുണ്ട്.
സാധാരണയേക്കാള്‍ കൂടുതല്‍ മഴ കിട്ടിയത് പത്തനംതിട്ടയില്‍ മാത്രമാണ്. 27 ശതമാനം അധികം മഴയാണ് പത്തനംതിട്ടയില്‍ കിട്ടിയത്. ഇടുക്കി, കോട്ടയം, വയനാട് ജില്ലകളില്‍ സാധാരണ മഴ കിട്ടി.വേനല്‍ മഴ മെച്ചപ്പെട്ടില്ലെങ്കില്‍ വരും ദിവസങ്ങളിലും താപനില വീണ്ടും ഉയരുമെന്നാണ് വിലയിരുത്തല്‍.
