ദുബായ്: എയർപോർട്ടിലെ കാർഗോ വിഭാഗത്തിലുണ്ടായ അപകടത്തിൽ ജീവനക്കാരനായ പാലക്കാട് സ്വദേശി മരിച്ചു. കൽപാത്തി അംബികാപുരം വെങ്കിടേശ്വര കോളനിയിൽ മണിമധു വീട്ടിൽ ഗോപിനാഥന്റെയും നിർമലാദേവിയുടെയും മകൻ മധു മോഹൻ ആണ് മരിച്ചത്. 36 വയസ്സായിരുന്നു.
ജോലിയ്ക്കിടയിൽ പാഴ്സൽ കയറ്റി വന്ന വാഹനം ഇടിക്കുകയായിരുന്നു.10 വർഷമായി മധു മോഹൻ ഇവിടെ ജോലി ചെയ്യുകയാണ്. മൃതദേഹം അടുത്ത ദിവസം നാട്ടിലെത്തിക്കും. ഭാര്യ: അഞ്ജു ചെമ്മങ്ങാട്ട്. മകൻ: അമർനാഥ്
