ആലപ്പുഴ:ശക്തമായ കാറ്റിൽ തെങ്ങ് കടപുഴകി വീണുണ്ടായ അപകടത്തിൽ ഒരാൾ മരിച്ചു. തലവടി കോതാകേരി പാടത്തിനു സമീപം ചേരിക്കൽചിറ ഗിരീശൻ (50) ആണ് മരിച്ചത്.ഇന്നലെ രാത്രി എട്ടരയോടെ ആയിരുന്നു സംഭവം.
വീടിനോടു ചേർന്ന് നാലേക്കർ പാടം പാട്ടത്തിനു കൃഷി ചെയ്തിരുന്നു. മഴ പെയ്തതിനാൽ പാടത്തേക്ക് പോകുന്നതിനായിറങ്ങിയ ഗിരീശന്റെ മുകളിലേക്ക് തെങ്ങ് കടപുഴകി വീഴുകയുമായിരുന്നു.ഉടൻതന്നെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
