കോൺസുലേറ്റിലെ അറ്റാഷെയുടെ പേരിലാണ് പായ്ക്കറ്റ് വന്നിരിക്കുന്നത്. കോൺസുലേറ്റിൽ പിആർഒ ആയിരുന്ന,എന്നാൽ ആ സമയത്ത് ഉദ്യോഗത്തിലില്ലാത്ത ആളാണ് അതു കളക്റ്റ് ചെയ്യാൻ ചെന്നത്.ലോക്ഡൗൺ കാലത്ത് രണ്ടുതവണയടക്കം എട്ടുപ്രാവശ്യം സ്വർണം കടത്തിയിട്ടുള്ളതായി അറസ്റ്റ് ചെയ്യപ്പെട്ട സരിത്ത് ഇതിനിടയ്ക്ക് കുറ്റസമ്മതം നടത്തുന്നു.കൂട്ടാളിയായി കോൺസുലേറ്റ് മുൻ ഉദ്യോഗസ്ഥയായിരുന്ന സ്വപ്ന സുരേഷും ഉണ്ടായിരുന്നതായി സരിത്ത് മൊഴി നൽകുന്നു.ഈ വ്യക്തിയാവട്ടെ, ഐടി വകുപ്പിന്റെ കീഴിൽ ഒരു അപ്രധാന തസ്തികയിൽ ടെമ്പററിയായി ജോലിക്കിരുന്നയാളാണ്. വാർത്ത വന്നതിനു പിന്നാലെ ഐടി വകുപ്പ് ആളെ ജോലിയിൽ നിന്ന് പിരിച്ചുവിടുകയും ചെയ്തു.
ഇത്രയും ശരി. ഇനി വാർത്തകളിലേക്കും ആരോപണങ്ങളിലേക്കും വരാം.
ഇവർ കോൺസുലേറ്റ് ഉദ്യോഗസ്ഥയായിരിക്കെ യുഎഇ കോൺസുലേറ്റ് കേരളത്തിലെ എംഎൽഎമാർക്കായി നടത്തിയ ഇഫ്താർ വിരുന്നിലെ ചിത്രം ഉപയോഗിച്ചാണ് ഇവർക്ക് മുഖ്യമന്ത്രിയുമായി ബന്ധം എന്നു തെളിയിക്കാനുള്ള ശ്രമം നടന്നത്.ജയ്ഹിന്ദ് ടിവി ഒരു പടികൂടി കടന്ന്, ദക്ഷിണേന്ത്യൻ ചുമതലയുള്ള യുഎഇ കോൺസുലാർ ജനറൽ ജുമാ അൽ ഹുസൈൻ റഹ്മ അൽ സാഹ്ബിയുടെ മുഖ്യമന്ത്രിക്കൊപ്പം നിൽക്കുന്ന ചിത്രം എടുത്ത്, സ്വർണ്ണം കടത്തിയ വനിതയാണെന്ന മട്ടിൽ വാർത്ത പ്രചരിപ്പിക്കുക വരെ ചെയ്തു.അതേസമയം പ്രതിയായ യുവതി പ്രതിപക്ഷ നേതാവിനൊപ്പവും യുവ കോൺഗ്രസ് എംഎൽഎമാർക്കൊപ്പവും, എന്തിന്, ഒ രാജഗോപാലിനു സമീപം പോലും നിൽക്കുന്ന ചിത്രങ്ങൾ ഫേസ്ബുക്കിൽ ചറപറാ ആ സമയത്തും പറക്കുന്നുണ്ടായിരുന്നു.
ഇനി കാര്യത്തിലേക്ക് വരാം
ഇതിന് ഏതാനും മാസങ്ങൾക്ക് മുൻപായിരുന്നു ഏഷ്യാനെറ്റ് ന്യൂസ് –സി ഫോർ (C fore) നടത്തിയ, വരാൻ പോകുന്ന തിരഞ്ഞെടുപ്പിനെ അടിസ്ഥാനമാക്കിയുള്ള ഒരു സർവേ ഫലം പുറത്തുവന്നത്.അതായത് കോവിഡ് ലോക്ഡൗണിന് തൊട്ടുമുൻപ്.പഞ്ചായത്ത് തെരഞ്ഞെടുപ്പ്(2020 ഡിസംബർ) പടിവാതിൽക്കൽ നിൽക്കയും നിയമസഭാ തെരഞ്ഞെടുപ്പിന് കഷ്ടിച്ച് ഒരുവർഷം(2021 ഏപ്രിൽ 6) മാത്രം അവശേഷിക്കുകയും ചെയ്യുന്ന സന്ദർഭത്തിലാണ് അവർ സർവേ നടത്തുന്നത്.
കേരളത്തിലെ മാറിമാറി വരുന്ന ഭരണ സാഹചര്യം വച്ച് ഇത്തവണ യുഡിഎഫ് തന്നെ അധികാരത്തിൽ വരുമെന്നും അങ്ങനെ ആയാൽ ഉമ്മൻ ചാണ്ടിയാവണം മുഖ്യമന്ത്രി സ്ഥാനാർത്ഥി എന്നും പൊതുവെ ചർച്ച നടന്നുകൊണ്ടിരിക്കുന്ന സമയത്താണ് ഏവരെയും ഞെട്ടിച്ചുകൊണ്ട് ഇടതുപക്ഷത്തിന് മുൻതൂക്കം നൽകുന്ന അവരുടെ സർവേ ഫലം പുറത്തുവരുന്നത്.കേരളത്തിൽ എൺപതുകൾക്കു ശേഷം ഏതെങ്കിലും മുന്നണിക്കു തുടർഭരണം കിട്ടുക എന്ന അത്യപൂർവ്വ റെക്കോഡിന് ഇപ്പോഴത്തെ എൽഡിഎഫ് ഗവൺമെന്റ് തുടക്കമിടും എന്ന സൂചന തന്നെ പലർക്കും സഹിക്കാവുന്നതിൽ അപ്പുറമായിരുന്നു.
ഈ സർവേ മുന്നോട്ടുവച്ച മറ്റു ചില പ്രധാന പോയിന്റുകളിൽ, കഴിഞ്ഞതവണ സഹതാപതരംഗത്തിന്റെ ബലത്തിൽ ഒ രാജഗോപാൽ നിയമസഭാംഗമായെങ്കിൽ ഇത്തവണ കേരളത്തിൽ അത് ഏഴുമുതൽ ഒൻപതു സീറ്റുവരെ ബിജെപി നേടുമെന്നും പറയുന്നുണ്ട്.ശബരിമല വിഷയവും മറ്റുമായിരുന്നു കാരണങ്ങൾ.
ശബരിമല വിഷയം
ലിംഗഭേദമില്ലാതെ എല്ലാ ഹിന്ദു തീർത്ഥാടകർക്കും ശബരിമല ക്ഷേത്രത്തിൽ പ്രവേശിക്കാമെന്നുള്ള സുപ്രീംകോടതിയുടെ വിധി വന്നത് 2018 സെപ്റ്റംബറിൽ ആയിരുന്നു. “ജൈവശാസ്ത്രപരമായ വ്യത്യാസങ്ങൾ കാരണം സ്ത്രീകൾക്ക് ഏർപ്പെടുത്തുന്ന ഏതൊരു അപവാദവും ഭരണഘടനയുടെ ലംഘനമാണ്” എന്ന് സുപ്രീം കോടതിയുടെ ഭരണഘടനാ ബെഞ്ച് അഭിപ്രായപ്പെട്ടു. പ്രത്യേകമായി
പിന്നീട് 2020 മെയ് അവസാനത്തോടെയാണ് കോവിഡ് ലോക്ഡൗണിൽ നിന്നും രാജ്യം ചെറിയ രീതിയിലെങ്കിലും മുക്തമാകുന്നത്.എന്നാൽ ഈ സമയം കൊണ്ട് കേരളം വല്ലാത്തൊരു അന്തരീക്ഷത്തിലേക്ക് മാറിക്കഴിഞ്ഞിരുന്നു.മറ്റു രാഷ്ട്രീയ പാർട്ടികളുടെ അടിയുറച്ച അണികൾ പോലും പതുക്കെ പിണറായി വിജയൻ എന്ന നേതാവിനെ അംഗീകരിക്കുന്ന തരത്തിലേക്ക് ആ അന്തരീക്ഷം വളരുകയും ചെയ്തിരുന്നു. തന്നെയുമല്ല,ക്രൈസിസ് മാനേജ്മെന്റ്അടക്കമുള്ള കാര്യങ്ങളിൽ, പ്രത്യേകിച്ച് കോവിഡ് കാല പ്രവർത്തനങ്ങളിൽ കേരളത്തിലെ ഇടതുപക്ഷ സർക്കാർ നേടിയ മുൻതൂക്കം പൊതുജനത്തെ എത്രമാത്രം സ്വാധീനിച്ചു എന്നത് ഏവരെയും അത്ഭുത പെടുത്തുന്ന ഒന്നുമായിരുന്നു.സ്വാഭാവികമായും ഈ ട്രെൻഡ് മറികടക്കണമെങ്കിൽ സാധാരണ അഴിമതി ആരോപണം ഒന്നും പോരായിരുന്നു.അത്തരം ഏത് ആരോപണങ്ങൾ വന്നാലും ഈയൊരു സാഹചര്യത്തിൽ കേരളത്തിൽ അത് ഏശുകയില്ലെന്നും അവർക്കറിയാമായിരൂന്നു.അതേസമയം പബ്ലിൿ സർവന്റ്സിന്റെ മൊറാലിറ്റി പോലൊരു പ്രശ്നം വന്നാൽ അതിന് ജനങ്ങൾക്കിടയിൽ വിഷയാസക്തിയേറുകയും ചെയ്യും. ഇത് കണക്കാക്കിയുള്ള ഒരു മൂവ് തന്നെയായിരുന്നു സ്വർണ്ണ കള്ളക്കടത്ത് കേസ്.എന്നാൽ ഇതിന് പിന്നിൽ ആരൊക്കെ എന്നത് കാലം തെളിയിക്കേണ്ടിയിരിക്കുന്നു.
കോവിഡിൽ നിന്നും ലോകം പൂർണമായും മുക്തമാകാത്ത 2020 ജൂലൈ 5ന് ആയിരുന്നു രഹസ്യവിവരത്തിന്റെ അടിസ്ഥാനത്തിൽ തിരുവനന്തപുരം കസ്റ്റംസ് സ്വർണ്ണ കള്ളക്കടത്ത് പിടികൂടുന്നത്.2020 ഡിസംബറിൽ പഞ്ചായത്ത് തിരഞ്ഞെടുപ്പും 2021 ഏപ്രിലിൽ കേരളത്തിൽ നിയമസഭാ തെരഞ്ഞെടുപ്പും നടക്കേണ്ടതാണെന്ന് ഓർക്കണം.33 സീറ്റുകളിൽ കൂടുതൽ തങ്ങൾ നേടുമെന്നും അങ്ങനെ വന്നാൽ തങ്ങൾ തന്നെ ഇത്തവണ കേരളം ഭരിക്കുമെന്നും ബിജെപി സംസ്ഥാന അധ്യക്ഷൻ കെ സുരേന്ദ്രൻ ചാനലുകൾക്ക് മുന്നിൽ ഇരുന്നു ലൈവായി പലതവണ പറഞ്ഞത് ഇതോടൊപ്പം ചേർത്തു വായിക്കണം.(ബാക്കി കോൺഗ്രസ് നേതാക്കളെ അവർ വിലയ്ക്കെടുത്തിരിക്കാം.ഇപ്പോ
സംഗതി ഇങ്ങനെയൊക്കെ ആയിരുന്നെങ്കിലും സ്വർണ്ണകള്ളക്കടത്തു കേസിലെ ആരോപണങ്ങൾ മുഴുവൻ പിണറായി വിജയന് നേരെയായിരുന്നു.ബിജെപിയു
ഇടയ്ക്ക് ഒരുകാലത്ത് ്നിശബ്ദയായിപ്പോയ സ്വപ്ന ഇപ്പോൾ വീണ്ടും ഉണർന്നെഴുന്നേറ്റ് വന്നിട്ടുണ്ട്.അടുത്തവർഷം ലോക്സഭാ തെരഞ്ഞെടുപ്പ് നടക്കേണ്ടതാണ്.25 ലക്ഷം രൂപയുടെ ജാമ്യത്തിലാണ് അവർ ഒന്നേകാൽ വർഷത്തിനുശേഷം ജയിലിൽ നിന്നുതന്നെ പുറത്തു വന്നത്. പതിവുപോലെ ആദ്യവെടി പിണറായിക്ക് നേരെയായിരുന്നു. അയാൾ എന്നത്തേയും പോലെ നിശബ്ദത പാലിച്ചു.ആ മൗനത്തെ കൂട്ടുപിടിച്ചുകൊണ്ടായിരുന്നു പിന്നത്തെ ആക്രമണം.അവിടെയും പരാജയപ്പെട്ടപ്പോൾ പാർട്ടി സെക്രട്ടറി ഗോവിന്ദൻ മാഷിനെതിരായി ആരോപണം.അദ്ദേഹം കേസ് ഫയൽ ചെയ്തതോടെ എനിക്ക് അങ്ങനെ ഒരാളെ അറിയുകപോലുമില്ലെന്ന് സ്വപ്നയ്ക്ക് തന്നെ ചാനലുകളുടെ മുന്നിൽ വിളമ്പേണ്ടിയും വന്നു.ഇപ്പോഴിതാ അവരുടെ വസ്തു കണ്ടുകെട്ടാനുള്ള തീരുമാനം ബിജെപി ഇടപെട്ട് മരവിപ്പിക്കുകയും ചെയ്തിരിക്കുന്നു.ഒരുപക്ഷെ ഇക്കാര്യത്തിൽ ഇനിയും നേരം വെളുക്കാത്തത് കേരളത്തിലെ കോൺഗ്രസ്സുകാർക്ക് മാത്രമാണെന്ന് തോന്നുന്നു!
സ്വപ്ന സുരേഷ്, പി.എസ്.സരിത്ത് എന്നിവർ ഉൾപ്പെട്ട നയതന്ത്ര സ്വർണക്കടത്ത് കേസിലെ പ്രതിയാണ് അബൂബക്കറും.സരിത്തുമായി ഇയാൾക്ക് ഉറ്റബന്ധമാണുള്ളത്.നയതന്ത്ര സ്വർണക്കടത്തിന് പണം നിക്ഷേപിച്ചവരിൽ പ്രധാനിയുമായിരുന്നു. കോൺസുലേറ്റ് വഴി സ്വർണക്കടത്ത് നടത്തിയതായി അബൂബക്കറും സമ്മതിച്ചിരുന്നു.ഈ കേസിന്റെ തുടർനടപടികളുടെ ഭാഗമായാണ് ഇ.ഡി. പരിശോധന നടത്തിയത്.
സ്വർണക്കടക്ക് കേസിൽ എൻഐഎയ്ക്ക് പുറമേ കസ്റ്റംസും അന്വേഷണം നടത്തിയിരുന്നു. കേസില്‍ അറസ്റ്റിലായി ഒരു വര്‍ഷത്തിന് ശേഷം 2021 നവംബർ 6 നാണ് സ്വപ്ന സുരേഷിന് ജാമ്യം ലഭിക്കുന്നത്.ഹൈക്കോടതി ജസ്റ്റിസ് വിനോദ് ചന്ദ്രൻ അടങ്ങിയ ഡിവിഷൻ ബെഞ്ചാണ് ജാമ്യം നൽകിയത്.എന്‍ഐഎ രജിസ്റ്റര്‍ ചെയ്ത കേസില്‍ സ്വപ്നയടക്കം മൊത്തം ഏഴു പ്രതികളുടെ ജാമ്യാപേക്ഷയിലാണ് ഹൈക്കോടതി ഇടക്കാല ഉത്തരവ് പുറപ്പെടുവിച്ചത്.25 ലക്ഷം രൂപയുടെ ബോണ്ടിലാണ് കോടതി ജാമ്യം അനുവദിച്ചത്.
വാൽക്കഷണം: സ്വപ്നയുടെ സ്വർണക്കടത്തിന്റെ മുഖ്യ സൂത്രധാരൻ ആയിരുന്ന കെ ടി റമീസിനെ ഇഡി ഇന്ന് അറസ്റ്റ് ചെയ്തിട്ടുണ്ട്….
