എം.വി. ഗോവിന്ദനെക്കുറിച്ച്‌ വിജേഷ് പിള്ള പറഞ്ഞാണ് അറിയുന്നത്. അതിനാല്‍ത്തന്നെ സമൂഹത്തിലെ നല്ല പേരിന് കോട്ടംതട്ടിക്കാനുദ്ദേശിച്ചുള്ള പ്രസ്താവനയെന്ന വാദം നിലനില്‍ക്കില്ല. വിജേഷ് പിള്ളയെ എം.വി. ഗോവിന്ദന് അയച്ചു എന്ന് ഫെയ്സ്ബുക്ക് ലൈവില്‍ പറഞ്ഞിട്ടില്ല.അതിനാല്‍ എം.വി. ഗോവിന്ദനയച്ച മാനനഷ്ട നോട്ടീസ് അടിസ്ഥാനരഹിതമാണ്.അതേസമയം സ്വപ്ന സുരേഷിനെതിരെ മാനനഷ്ട കേസുമായി മുന്നോട്ട് പോകുമെന്ന് സിപിഎം സംസ്ഥാന സെക്രട്ടറി എം.വി ഗോവിന്ദൻ മാധ്യമങ്ങളോട് പറഞ്ഞു.
മാർച്ച്‌ 9ന് ആണ്‌ സ്വപ്ന ഫെയ്സ്ബുക്ക് ലൈവിലൂടെ എം വി ഗോവിന്ദനെതിരെ ആരോപണമുന്നയിച്ചത്‌.എം വി ഗോവിന്ദൻ നിർദേശിച്ചിട്ടാണു വരുന്നതെന്നും മുഖ്യമന്ത്രിക്കും കുടുംബത്തിനുമെതിരായ ആരോപണങ്ങൾ പിൻവലിച്ചാൽ 30 കോടി തരാമെന്ന്‌ വിജേഷ് പിള്ളയെന്നയാൾ തന്നോട്‌ പറഞ്ഞുവെന്നുമായിരുന്നു സ്വപ്ന പറഞ്ഞത്‌.ഇത് അനുസരിക്കുന്നില്ലെങ്കിൽ ഗുരുതരമായ പ്രത്യാഘാതങ്ങൾ ഉണ്ടാകുമെന്ന് പറഞ്ഞതായും ആരോപിച്ചിരുന്നു.
