ബംഗളൂരു: ശബരിമല തീർഥാടകരുടെ സൗകര്യാർത്ഥം ബംഗളൂരുവിൽനിന്ന് പമ്പയിലേക്ക് ഡിസംബർ ഒന്നുമുതൽ പ്രത്യേക ദിന സർവിസുകളുമായി കർണാടക ആർ.ടി.സി. രാജഹംസ, ഐരാവത് ബസുകളാണ് സർവീസ് നടത്തുക.
രാജഹംസ ബസ് എല്ലാ ദിവസവും ഉച്ചക്ക് 1.01ന് ശാന്തിനഗർ ബസ്സ്റ്റാൻഡിൽ നിന്നും (1.31ന് മൈസൂരു റോഡ് സാറ്റലൈറ്റിൽനിന്നും) പുറപ്പെടും. പിറ്റേദിവസം രാവിലെ 7.30ന് പമ്പയിൽ എത്തും.
ഐരാവത് വോൾവോ ബസ് ശാന്തിനഗർ സ്റ്റാൻഡിൽനിന്ന് ഉച്ചക്ക് 2.01നും സാറ്റലൈറ്റിൽനിന്ന് 2.45നും പുറപ്പെടും. പമ്പയിൽ പിറ്റേദിവസം രാവിലെ 6.45ന് എത്തും.
തിരിച്ച് ശബരിമല നിലക്കലിൽനിന്ന് രാജഹംസ ദിവസവും വൈകിട്ട് അഞ്ചുമണിക്ക് പുറപ്പെട്ട് പിറ്റേന്ന് ഉച്ചക്ക് 12ന് ബംഗളൂരുവിൽ എത്തും. ഐരാവത് തിരിച്ച് 6.1ന് പുറപ്പെട്ട് പിറ്റേന്ന് രാവിലെ 11ന് ബംഗളൂരുവിൽ എത്തും. www.ksrtc.in ൽ ടിക്കറ്റ് ബുക്ക് ചെയ്യാം.
