മലപ്പുറം: ഗുരുതര പരിക്കേറ്റു അബോധാവസ്ഥയില്‍ റോഡരികില്‍ കാണപ്പെട്ട റിട്ടയേര്‍ഡ് അധ്യാപകന്‍ മരിച്ചു.
മഞ്ചേരി കരുവന്പ്രം അമ്പലപ്പടി പ്രവ്ദയില്‍ കെ.വി സുനില്‍ദത്ത് (60) ആണ് മരിച്ചത്.
വ്യാഴാഴ്ച വൈകീട്ട് 6.30ന് അന്പലപ്പടിക്കടുത്ത് ചാടിക്കല്ലില്‍ റോഡരികിലാണ് രക്തമൊലിക്കുന്ന നിലയില്‍ സുനില്‍ദത്തിനെ കാണപ്പെട്ടത്.അതുവഴി വന്നവർ ഉടന്‍ മഞ്ചേരി മെഡിക്കല്‍ കോളജ് ആശുപത്രിയിലും തുടര്‍ന്നു കോഴിക്കോട് സ്വകാര്യ ആശുപത്രിയിലും എത്തിച്ചെങ്കിലും രാത്രി 11.30ഓടെ മരിച്ചു. തലക്ക് ഗുരുതര പരിക്കേറ്റിട്ടുണ്ട്.
ആളൊഴിഞ്ഞ സ്ഥലമായതിനാല്‍ ഏതോ വാഹനം ഇടിച്ചിട്ട ശേഷം നിര്‍ത്താതെ പോയതാകുമെന്നു കരുതുന്നു.
