ആലപ്പുഴ: സ്‌കൂള്‍ വിദ്യാര്‍ഥിനിക്കുനേരേ നഗ്നതാപ്രദര്ശനം നടത്തിയെന്ന പരാതിയില്‍ വിമുക്തഭടന്‍ അറസ്റ്റിലായി. ആര്യാട് പഞ്ചായത്ത് അഞ്ചാം വാര്‍ഡ് അവലൂക്കുന്ന് വിഷ്ണു നിവാസില്‍ സുരേഷ് ബാബു (56) ആണ് പോക്സോ നിയമപ്രകാരം അറസ്റ്റിലായത്.
25-ന് വൈകുന്നേരമാണ് സംഭവം. സ്‌കൂള്‍ വിട്ട് വീട്ടിലേക്കു സൈക്കിളില്‍ പോകുകയായിരുന്ന പെണ്‍കുട്ടിയെ സ്‌കൂട്ടറില്‍ പിന്തുടര്ന്ന് ആളൊഴിഞ്ഞ വഴിയില്‍ വെച്ച് നഗ്നത പ്രദര്‍ശിപ്പിച്ചെന്നാണു പരാതി. നേരത്തേയും ഇയാള്‍ക്കെതിരേ സമാനമായ പരാതി ഉയര്‍ന്നിട്ടുണ്ടെന്ന് പോലീസ് പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
